Nzyomweelede Kwaamba Kujatikizya Mamagazini

Ngazi Yamulindizi Dec. 1

“Bamwi bantu bayeeya kuti ncolyaamba Bbaibbele tacigwasyi mazuba aano. Ino nywebo muyeeya buti? [Amulindile bwiinguzi. Mpoonya amubale Zefaniya 2:3.] Cibalo eeci citondezya businsimi bwamu Bbaibbele mbobukonzya kutugwasya kufwutuka ikuti twatobela ncobwaamba.”

Awake Nov.

“Muciindi cesu casayaansi alimwi akudooneka, bantu banji bayeeya kuti Bbaibbele talicibeleki. Ino nywebo muyeeya buti? [Amulindile bwiinguzi.] Sena mulizi kuti kaambo kali koonse kamu Bbaibbele kaamba zyasayaansi kaliluzi? [Amubale Jobu 26:7.] Eeyi magazini yaalubazu ya Awake! ilapa twaambo tusyomeka ncotweelede kulisyoma Bbaibbele.”

Ngazi Yamulindizi Dec. 1

“Mbuti mbomunga mwaingula mubuzyo ooyu? [Amubale mubuzyo uuli acivwumbyo. Mpoonya amulindile bwiinguzi.] Mmakanze aa Leza ikukamantanya bantu boonse. [Amubale Intembauzyo 46:8, 9.] Imagazini eeyi ilatondezya Ibbaibbele ncolyaamba kujatikizya bantu mbobaya kukamantana.”

Awake Dec.

“Bantu bamwi bayeeya kuti lufwu ninzila iisololela kubuumi bumbi; bamwi bayeeya kuti lufwu mmamanino aabuumi. Sena nywebo muyeeya kuti lufwu ncintu ncotweelede kuyoowa? [Amulindile bwiinguzi.] Amuswiilile mbwaakalimvwa Jobu kujatikizya lufwu ndwaakali kulangila. [Amubale Jobu 14:14, 15.] Imagazini eeyi ilapa bupanduluzi bwa Bbaibbele bulimvwisya kujatikizya cicitika twafwa.”