Nzyomweelede Kwaamba Kujatikizya Mamagazini

Ngazi Yamulindizi Mar. 1

“Inyika mboisikilwa mapenzi aayindene-indene, toonse tulijatikizyidwe abucete, malwazi alimwi akutacingililwa. Ino ncinzi ncotukonzya kucita kutegwa tujane bulangizi bwakumbele akujana luumbulizyo nokuba kuti tukkede mubukkale buli boobu? [Amulindile bwiinguzi, mpoona amubale Intembauzyo 55:22.] Eeyi magazini iitondezya mbotukonzya kumusyoma kapati Taata wesu wakujulu kwiinda mbotulimvwa kujatikizya mapenzi aamazubaano.”

Ngazi Yamulindizi Mar. 1

“Mbotuli bantu batalondekede bakkede munyika mbyaabi, tacili cuuba-uba pe kuyanda zintu nzyayanda Leza akusulaika nzyatayandi. Ino ncinzi ncotweelede kucita kutegwa tuzunde munkondo eeyi alimwi akuzumanana mukulilemeka kwesu? [Amulindile bwiinguzi.] Ibbaibbele litupa lulayo oolu. [Amubale Tusimpi 4:23.] Eeyi magazini ipandulula ncocaamba kubamba myoyo yesu yacikozyanyo. Alimwi ilatondezya kweeleba bukkale butaluzi mbocijatikizya cilongwe cesu a Mulengi wesu.”

Ngazi Yamulindizi Mar. 1

“Lweeno lujatikizya nzila zinji alimwi lwanjila muziyanza zinji mubukkale bwasunu. Iciinda kubija ndweeno lwabukombi nkaambo inga lwapa kuti tusweekelwe buumi bwesu bwakumbele butamani ikuti twataluzyiba. Ino ncinzi cikonzya kutugwasya kulikwabilila kulweeno oolo? [Amulindile bwiinguzi, mpoona amubale 2 Ba-Korinto 2:11.] Eeci cibalo citondezya mbwaaziyubununa Leza nzila zya Saatani zyabucenjezu kutegwa tugwasyigwe kulibambila kumulwana.”

Ngazi Yamulindizi Mar. 1

“Izikombelo zilajalwa mazubaano akaambo kakuti imweelwe wabasizikombelo alimwi abaabo bajanika kumiswaangano uyaabuceya. Ino ncinzi cilubide? [Amulindile bwiinguzi.] Ambweni mulizyi kale kuti Jesu tanaakazumizya kukazyanya naa kusalaulana akati kabasikwiiya bakwe nokuba kubazumizya kupandulula mulawo wa Leza munzila iibazumizya kubikkilizya zilengwa zyabantu mbobakali kuyooyaanya. [Amubale Johane 17:20, 21.] Eeyi magazini ipandulula Bunakristo bwini-bwini mbobukonzya kuyaambele.”