Nzyomweelede Kwaamba Kujatikizya Mamagazini

Ngazi Yamulindizi Mar. 1

“Toonse tulizi kuti Adamu wakapona kwaciindi cili mbocibede Eva katana kulengwa. Eeci citondezya makanze ngajisi Leza kumwaalumi aakweendelezya alimwi akuba mutwe wamukwasyi. Nokuba boobo, ino mbusilutwe bwamusyobo nzi mwaalumi mbwayelede kuba abwalo mumukwasyi? [Amulindile bwiinguzi.] Kapango aaka kaamba cintu cimwi baalumi ncobeelede kuyeeya. [Amubale 1 Ba-Korinto 11:3.] Magazini eeyi ipandulula kuti mbokunga Kristo ngomutwe wamwaalumi, baalumi beelede kwiiya cikozyanyo cakwe.”

Awake Feb.

“Sena muyeeya kuti aaka nkakaambo ncotucitikilwa mapenzi manji boobu munyika? [Amubale 1 Johane 5:19. Mpoonya amulindile bwiinguzi.] Cibalo eeci cilatondezya Bbaibbele ncolyaamba kujatikizya bube mbwajisi ‘mubi’ alimwi ancotukonzya kucita kutegwa tuteenwi anguwe.” Amubatondezye cibalo citalikila apeeji 12.

Ngazi Yamulindizi Mar. 1

“Mukuyeeya kwanu, ino mapenzi nzi bana ngobajana mukusoleka kumvwida bazyali babo? [Amulindile bwiinguzi.] Amubone Magwalo mbwaapandulula munzila mbotu kapati ibana mbobakonzya kumvwida bazyali, kutali kuyeeya kuti bajisi busongo bwakukonzya kulisololela beni. [Amubale Luka 2:51, 52.] Magazini eeyi ilatondezya Jesu mbwaakasiya cikozyanyo cibotu kubana bamazuba aano kwiinda mukumvwida bazyali bakwe naakali anyika nokuba kuti wakali kulondokede.”

Awake Mar.

“Mukuyeeya kwanu, ino mapenzi nzi amwi ngobajisi bakubusi mazuba aano? [Amulindile bwiinguzi.] Kapango aaka kapandulula penzi lyomwe—kujana balongwe bali kabotu. [Amubale Tusimpi 13:20.] Magazini eeyi ibandika ntenda zijanwa mukubelesya Intaneti kujana balongwe alimwi ambobakonzya kukwabililwa bakubusi.”