Nzyomweelede Kwaamba Kujatikizya Mamagazini

Ngazi Yamulindizi Mar. 1

“Bamwi bantu baleezyeezya ikuti naa nkwali ncobeni Leza. Ibamwi baamba kuti nkwali, pele bayeeya kuti uli kule kapati ambabo. Sena mulabamvwa bantu kabaamba makani aaya? [Amulindile bwiinguzi.] Amubone ncociyandika kumuzyiba Leza ikutali kwiile kumvwa mamvwaamvwa. [Amubale Johane 17:3.] Kujatikizya makani aaya, zilakonzya kumukkomanisya zibalo zyakusaanguna mumagazini eeyi.”

Galamukani! Mar. 8

“Sena muyeeya kuti makanze aa Leza aakuti bantu bapati kubikkilizya abana kabapenga kubulwazi bwanzala? [Amulindile bwiinguzi.] Amubone cisyomezyo eeci cikkazika moyo icijanika mu Bbaibbele. [Amubale Intembauzyo 72:16.] Eeyi Galamukani! ilabandika icipa bulwazi bwanzala alimwi ilaamba ikapati icisyomezyo ca Leza cakuti penzi eeli liyoomana ino-ino.”

Ngazi Yamulindizi Mar. 1

“Tuyanda kumvwa mbomuyeeya kulugwalo oolu lukondelezya kapati. [Amubale Matayo 5:10.] Ino mbuti muntu mbwakonzya kukkomana ciindi napenzyegwa? [Amulindile bwiinguzi.] Zibalo zyakusaanguna zyobile mumagazini eeyi zilatondezya bantu bamwi ibakazumanana kukkomana nociba ciindi nobakali kupenzyegwa. Mulakonzya kukkomana ikubala mbobakacita.”

Galamukani! Mar. 8

“Akaambo kamavidiyo aanyimbo aasika, bakubusi banji beebelela zintu zyakulwana alimwi akutalilemeka. Sena muyeeya kuti cililuleme kubakubusi kweebelela mavidiyo aali boobu? [Amulindile bwiinguzi.] Amubone ncolyaamba Bbaibbele kujatikizya Leza mbwakulanga kulwana. [Amubale Intembauzyo 11:5.] Mu Galamukani! eeyi, kuli cibalo cibandika kujatikizya mavidiyo aanyimbo.”