Nzyomweelede Kwaamba Kujatikizya Mamagazini
Ngazi Yamulindizi May 1
“Bantu bamwi bayeeya kuti zintu zyoonse zicitika mubuumi ikubikkilizya amapenzi nkuyanda kwa Leza. Sena kuli nomwakayeeyede boobo? [Amulindile bwiinguzi.] Bantu banji baluuzyi mupailo ooyu. [Amubale Matayo 6:10b.] Ino mmakanze nzi ngajisi Leza kujatikizya nyika, alimwi ndiilili naayoozuzikizyigwa? Eeyi magazini ilapa bwiinguzi bwamu Bbaibbele.”
Ngazi Yamulindizi May 1
“Ibukkale bwamunyika butyompya zimwi ziindi butupa kuti citukatazye kutondezya buuya, aabona butupa kuyeeya kujokezya cibi kucibi. Sena mulizyi kuti Bbaibbele lilijisi lulayo lukonzya kutugwasya kuzunda buyumuyumu oobu? [Amulindile bwiinguzi. Mpoonya amubale Ba-Roma 12:17.] Mulakukkomanina kulanga-langa kaambo kamu Magwalo mumagazini eeyi ncotweelede kutondezya buuya kubantu.”
Ngazi Yamulindizi May 1
“Mukusola-sola kusumpula bukkale bwabantu, ibasololi bazikombelo bamwi balinjizya mutwaambo twacisi. Nokuba boobo, amubone Jesu ncaakacita ciindi bantu nobakali kuyanda kumubikka kuti abe mwami. [Amubale Johane 6:15.] Jesu wakabikkila maano kucintu cikonzya kuletela bamwi ibubotu butamani. Eeyi magazini ilacipandulula cintu eeco.”
Ngazi Yamulindizi May 1
“Mbwaanga ibukubusi tabutoli ciindi kumana, mumyaka buyo misyoonto tamucinooli bakubusi, ino ninzila iili mbotu kwiinda zyoonse yakubelesya myaka eeyi kutegwa mubambe nzyomuyanda kuya kucita kumbele? [Amulindile bwiinguzi.] Amubone cili mu Jwi lya Leza cili nenzila iikonzya kumupa kuzwidilila. [Amubale Mukambausi 12:1.] Eeyi magazini ilapandulula zintu nzyotweelede kweeleba kutegwa tuzwidilile kwiinda mukulibikkila mbaakani zigwasya.”