Nzyomweelede Kwaamba Kujatikizya Mamagazini
Ngazi Yamulindizi Apr.–June
“Ndiyanda kumvwa mbomuyeeya kujatikizya lugwalo oolu luzizilwe kapati. [Amubale Johane 3:16.] Sena kuli nomwakazyingidwe kuti mbuti lufwu lwamuntu omwe mbolukonzya kupa kuti bamwi babe abuumi butamani? [Amulindile bwiinguzi.] Magazini eeyi ilapa bupanduluzi bumvwika alimwi bukkazika moyo kujatikizya mbotukonzya kugwasyigwa alufwu lwa Jesu.”
Sinsimuka! Apr.–June
“Kuzwa kaindi banakazi balatundululwa akudyaamininwa. Ino muyeeya kuti nkaambo nzi eeci ncocicitika? [Amulindile bwiinguzi.] Amubone Bbaibbele mbolilailila balumi mbobeelede kweendelezya bakaintu babo. [Amubale 1 Petro 3:7.] Magazini eeyi ilatondezya ncolyaamba Bbaibbele kujatikizya Leza alimwi a Kristo mbobababona bamakaintu.”
Ngazi Yamulindizi Apr.–June
“Ino muyeeya kuti mikwasyi inga yaba buti ikuti yatobela lulayo oolu? [Amubale Ba-Efeso 4:31. Mpoonya amulindile bwiinguzi.] Cibalo eeci cilapa nzila zigwasya zizwa mu Bbaibbele zikonzya kugwasya kumana mazwanga alimwi akuzumanana kuba aluumuno mulukwatano.” Amubatondezye cibalo citalikila apeeji 22.
Sinsimuka! Apr.–June
“Akaambo kakuvwula kwamilandu antela bujayi, bantu banji tabaliibide pe. Sena muyeeya kuti zintu kuli noziyooba kabotu? [Amulindile bwiinguzi.] Amubone businsimi bukondelezya bwamu Bbaibbele. [Amubale Intembauzyo 37:10.] Magazini eeyi ilabandika kaambo kapati ikapa kuti milandu eeyi kaicitika alimwi a Bbaibbele ncolyaamba kujatikizya mboliyoomana penzi eeli.” Amubatondezye cibalo citalikila apeeji 11.