Nzyomweelede Kwaamba Kujatikizya Mamagazini

Ngazi Yamulindizi Jan.–Mar.

“Ndiyanda kumvwa mbomuyeeya kujatikizya ncolwaamba lugwalo oolu. [Amubale Ba-Hebrayo 13:7.] Ibbaibbele aawa litukulwaizya kulanga babelesi ba Leza balyaabide ‘akwiiya lusyomo lwabo.’ Sena kuli nomwakalibuzyide kuti ino mbuti mbotukonzya kucita oobo mazuba aano? [Amulindile bwiinguzi.] Eeyi magazini ijisi cibalo caamba lusyomo Eliya ndwaakajisi alimwi ambotukonzya kumwiiya.”

Awake Mar.

“Sena muyeeya kuti masalamuzi mabi? [Amulindile bwiinguzi.] Ibbaibbele lilakapandulula kabotu kaambo aaka. [Amubale Isaya 65:11.] Cibalo eeci cilaamba naa masalamuzi aleendelana ancoliyiisya Bbaibbele.” Amumutondezye cibalo citalikila apeeji 10.

Ngazi Yamulindizi Jan.–Mar.

“Bantu banji balimvwa kuti bukkale bwabo mbubi kapati cakuti tabazyi naa Leza ulakonzya kubalekelela. Sena muyeeya kuti Leza ulakonzya kubalekelela? [Amulindile bwiinguzi.] Amubone Jesu mbwatusyomezya kuti bantu bali boobo balakonzya kujana lwaanguluko akulekelelwa a Leza. [Amubale Johane 8:32.] Cibalo eeci cilatondezya kasimpe kali boobo mbokakonzya kucinca buumi bwamuntu.”

Awake Apr.

“Sena muyeeya kuti tupona muciindi caambidwe mulugwalo oolu? [Amubale 2 Timoteo 3:1-4. Mpoonya amulindile bwiinguzi.] Kuli kaambo kabotu ncotweelede kwaabikkila maano mazuba aamamanino akaambo kakuti atondezya kuti kuli zyintu zyibotu zyiboola anyika. Imagazini eeyi ilapandulula.”