Nzyomweelede Kwaamba Kujatikizya Mamagazini

Ngazi Yamulindizi Apr. 1

“Bantu bakali kupona mumazuba Jeremiya ngaakali kupona, bakali kulisumpula kapati alimwi tiibakali kubalemeka batumwa ba Leza. Ino muyeeya kuti Jeremiya musinsimi wa Leza wakazwidilila buti mubukkale buli boobu? [Amulindile bwiinguzi.] Amubone Bbaibbele mbolitondezya cakapa kuti azwidilile. [Amubale Jeremiya 1:19.] Magazini eeyi ilatondezya mbotukonzya kujana mpindu mumulumbe wakucenjezya ooyo Jeremiya ngwaakaambilizya.”

Awake Mar.

“Beendelezi banyika banji balibonya kuti balalisumpula kapati. Sena muyeeya kuti bukkale oobu buletela luumuno alimwi akweendelana munyika? [Amulindile bwiinguzi.] Amubone Bbaibbele ncolyaamba kumakani aakulisumpula. [Amubale Tusimpi 16:18.] Cibalo eeci cilapandulula bubotu bwakulibombya.” Amubatondezye cibalo citalikila apeeji 20.

Ngazi Yamulindizi Apr. 1

“Munyika yoonse bantu balaamba twaambo tujatikizya madaimona ambwaabajatikizya bantu. Aaba mbangelo babyaabi balo bacenga bantu. Mukuyeeya kwanu, sena muyeeya kuti swebo tobantu inga twacikonzya kuzizunda zilenge zyamuuya eezi zijisi nguzu kapati? [Amulindile bwiinguzi.] Magazini eeyi ilatondezya nzila ziindene-indene zikonzya kutugwasya kuzunda madaimona.” Amubale Ba-Efeso 6:13.

Awake Apr.

“Mumasena manji aamunyika, bantu bayeeya kuti kulilemeka kuyaabuya aansi. Sena mbomuyeeya andinywe oobo? [Amulindile bwiinguzi.] Bukkale mbotubona mazuba aano buzuzikizya businsimi bwamu Bbaibbele. [Amubale 2 Timoteo 3:2-4.] Magazini eeyi ilatondezya ncocipandulula kuyaambele kwakutalilemeka alimwi ankokubasololela bantu.”