Nzyomweelede Kwaamba Kujatikizya Mamagazini

Ngazi Yamulindizi July 1

“Ikuti naa mwabuzyigwa mbomubuyanda kapati buumi bwanu, ino inga mwaingula buti? [Amulindile bwiinguzi.] Tutondezya kuti tulabubikkila maano kapati buumi kwiinda mukutobela nzila ziyandika kuyandaula lugwasyo ciindi notwaciswa. Ikuyandisya buumi ooku kweelede kweendelana akumvwida ooyo sikupa buumi. [Amubale Matalikilo 9:3, 4.] Eeyi magazini ilaamba ncotukonzya kucita kutegwa tutondezye kuti tulabulemeka buumi.”

Ngazi Yamulindizi July 1

“Mbwaanga mbwatubikkila maano Leza kulalibonya muzintu nzyaakatupa mbwali Sikutupa buumi, citupa kaambo ncotweelede kusyoma busolozi bwakwe. Mbuti mbotunga twatondezya kuti tulabuzumina busolozi bwakwe? [Amulindile bwiinguzi.] Kweelana ancaakaamba Paulo ku Lugwalo oolu, Leza watuyubunwida ncayanda kulindiswe. [Amubale Incito 14:15.] Eeyi magazini ilatondezya mbazu oomo Leza Muumi mwakonzya kutusololela.”

Ngazi Yamulindizi July 1

“Nokucitika ntenda, banji baladooneka naa Leza ulabalanganya ncobeni bantu alimwi akubona mbobapenga. Sena kuli nomwakeezyeezya kujatikizya kaambo aaka? [Amulindile bwiinguzi.] Eeyi magazini ilabandika mbwatulanganya Leza mazubaano alimwi ambwaakabikka bubambe kutegwa bubi boonse bumane.” Amubale Johane 3:16.

Ngazi Yamulindizi July 1

“Bantu balamutongooka kapati Leza akaambo kamapenzi aabacitikila antela aacitikila bayandwa babo. Sena kuli nomwakalimvwide munzila iikozyenye? [Amulindile bwiinguzi.] Eeyi Ngazi Yamulindizi ilabandika ikaambo Leza ncatakonzyi kutongookwa akaambo kamapenzi aabacitikila bantu mazubaano.” Amubale Ba-Roma 5:12.