Nzyomweelede Kwaamba Kujatikizya Mamagazini

Ngazi Yamulindizi July 1

“Cintu cimwi akati kazintu zituyumina kapati kucita ibunji bwesu, nkulindila. Ino muyeeya kuti ncinzi cikatazya? [Amulindile bwiinguzi.] Tacili ceenzu pe kuyanda kumanizya mapenzi eesu cakufwambaana. Magazini eeyi ilatutondezya kuti tulakonzya kuliyumya cakuzwidilila mumasukusyo eesu ikuti twamusyoma Leza cakumaninina, katwiiya kulindila nguwe.”—Amubale Intembauzyo 46:1-3.

Awake June

“Sena inga tiimwasyoma kuti ntenda zicitika mazubaano zipandulula mbociyandika kapati kukutobela kucenjezya? [Amulindile bwiinguzi.] Magazini eeyi ilabandika ziiyo nzyobakaiya aabo bakafwutuka kuguwo litegwa Katrina. Alimwi ilapandulula kucenjezya kwalo toonse nkotweelede kutobela.” Amubandike cibalo citalikila apeeji 14.

Ngazi Yamulindizi July 1

“Munyika yamazubaano iizwide mapenzi, bantu banji balabuzya kuti: ‘Ino nkaambo nzi buumi ncobuzwide mapenzi boobu? Ikuti naa Leza nkwali, nkaambo nzi ncataciti cintu cimwi kutegwa akumanizye kupenga?’ Sena kuli nomwakazyingidwe kujatikizya mibuzyo eeyi? [Amulindile bwiinguzi.] Magazini eeyi ilapa bwiinguzi bwamu Bbaibbele bupa luzibo kumibuzyo eeyi.” Amubale 2 Timoteo 3:16.

Awake July

“Mazubaano, nkwatano zinji zili mumapenzi. Sena muyeeya kuti banabukwetene inga bagwasyigwa kuzwa kululayo lwakasololelwa amuuya oolu? [Amubale Ba-Efeso 4:32. Mpoonya amulindile bwiinguzi.] Awake! eeyi yaamba njiisyo zyamu Bbaibbele zyabeleka kwaciindi cilamfwu zyalo zikonzya kutugwasya kuba alukwatano lukkomanisya.”