Nzyomweelede Kwaamba Kujatikizya Mamagazini

Ngazi Yamulindizi Feb. 1

“Myaanda-myaanda yabusinsimi bwamu Bbaibbele alimwi abupanduluzi bwamazyalane, boonse bwakali kwaamba muntu umwi mubwakazuzikizyigwa. Sena kuli nomwakalibuzyide ikuti naa nguni? [Amulindile bwiinguzi.] Eeyi magazini ilagwasya kuzyiba kuti Jesu ngo Mesiya alimwi ooyo wakali kwaambwa mubusinsimi.” Amubale Johane 5:39, 46.

Ngazi Yamulindizi Feb. 1

“Muleli mubotu ngooyo uunga wasyomwa kuti ulakonzya kubapa kuliiba akubakwabilila balelwa bakwe boonse. Ino muyeeya kuti nkuli nkotunga twajana muleli uuli boobo? [Amulindile bwiinguzi, mpoonya mubale Ciyubunuzyo 19:15a, 16.] Eeyi Ngazi Yamulindizi ilaamba kujatikizya mbobuyooba Bwami bwa Leza kweelena ambwakali kupona Jesu anyika anaakabusyigwa kali cilenge camuuya.”

Ngazi Yamulindizi Feb. 1

“Kufwumbwa nkotuunka tubona bantu babikkila maano kapati kuzintu mbuli mali, kuba ampuwo, anguzu. Sena muyeeya kuti kuli cintu cimbi calo ciyandika kapati kwiinda zintu eezyi? [Amulindile bwiinguzi.] Eeyi magazini ilapandulula bantu bamwi mbobakasala kusiya zintu zyabo zyakumubili kutegwa bajane eeco ncobakabona kuti cilayandika kapati.” Amubale Matayo 4:18, 21, 22.

Ngazi Yamulindizi Feb. 1

“Ziindi zimwi inga tatumvwisyi ikaambo Leza ncalekela zintu zimwi kucitika. Ciindi notulijana mubukkale buli boobo, ino muyeeya kuti nkaambo nzi ncotuteelede kufwambaana kumutongooka Walo? [Amulindile bwiinguzi.] Eeyi magazini ilapandulula ikaambo ncotweelede kulibombya ciindi notulanga-langa micito ya Leza mbwaanga Walo ulizyi zintu zyoonse.” Amubale Ba-Roma 9:14.