Nzyomweelede Kwaamba Kujatikizya Mamagazini

Ngazi Yamulindizi Jan.–Mar.

“Sena inga mwacizumina caambwa waawa? [Amubale Jakobo 3:2.] Cibalo eeci cilapa nzila zigwasya zizwa mu Bbaibbele zikonzya kutugwasya kutanyemya banamukwasyi ambotwaambaula.” Amutondezye cibalo citalikila apeeji 10.

Awake Jan.

“Lukwatano luli loonse lulaamapenzi. Ino muyeeya kuti banabukwetene inga balujana kuli lulayo lugwasya? [Amulindile bwiinguzi.] Amubone malailile aaya aagwasya. [Amubale Ba-Efeso 5:22, 25.] Cibalo eeci cipandulula mukaintu mbwakonzya kumvwida mulumi wakwe.” Amutondezye cibalo citalikila apeeji 28.

Ngazi Yamulindizi Jan.–Mar.

“Bantu banji bapailila kuti Bwami bwa Leza buboole. Mucikozyanyo, amubone mupailo ooyu uuzibidwe kapati Jesu ngwaakayiisya basikumutobela. [Amubale Matayo 6:9, 10.] Sena kuli nomwakalilibuzyide kuti Bwami ninzi alimwi ndilili nobuya kuboola? [Amulindile bwiinguzi.] Magazini eeyi ilatondezya Ibbaibbele ncolyaamba kumakani aaya.”

Awake Feb.

“Akaambo kakuti milandu yavwula, bantu banji balimvwa kuti tabakwabilidwe. Sena muyeeya kuti zintu ziyakucinca? [Amulindile bwiinguzi.] Amubone businsimi bukkomanisya bwamu Bbaibbele. [Amubale Intembauzyo 37:10.] Magazini eeyi ilabandika cipa kuti kakuli milandu ancolyaamba Bbaibbele kujatikizya mbolikonzya kumana penzi eeli.”