Tuyooiya Bbuku lya Lukkomano Mumukwasyi
1 Kutalikila munsondo ya January 8, 2007, tuyootalika kubelesya bbuku lya Inzila Yakujana Lukkomano Mumukwasyi ku Ciiyo Cabbuku Cambungano. Kunyina uuyooyanda kwiindwa ciiyo cakakamu cabusolozi oobu bwamu Magwalo bugwasya kuba abuumi bwalukkomano mumukwasyi. Mulongo waziiyo uyootugwasya kuulanga-langa kabotu muncali aumwi alimwi amagwalo aamu Bbaibbele aali mubbuku.
2 Cibalo coonse cakusaanguna ciyoolangwa-langwa munsondo yakusaanguna yaciiyo nkaambo cijisi buyo magwalo masyoonto aatazubuludwe. Akaambo kakaambo nkakonya aaka, cibalo 15 ciyoolangwa-langwa mucibeela comwe. Nokuba boobo, zibalo zimwi zyoonse ziyooandanizigwa muzibeela zyobile, cisela acimwi cacibalo cinoolangwa-langwa ansondo. Aboobo, kunooli ciindi cinji cakubala akubandika magwalo oonse aabikkidwe kubikkilizya akulanga-langa kabotu-kabotu mbwaagwasya magwalo oonse aazubuludwe mumuncali aumwi.
3 Cibeela ciyandika kapati caciiyo mmubandi wamakani aali mukabbokesi kakuyiisya kali kumamanino aacibalo acimwi. Aboobo, mweelede kuba aciindi cinji cakulanga-langa mibuzyo alimwi amagwalo aabikkidwe mukabbokesi.
4 Balangizi ba Ciiyo Cabbuku Cambungano bakulwaizigwa kubikkila maanu kapati kukulibambila ciiyo alimwi akubakulwaizya boonse bali mukakamu kabo kubikkilizya abapya, kuti kabalibambila kabotu, kujanika lyoonse alimwi akutola lubazu.—od 69-72.