Nzyomweelede Kwaamba Kujatikizya Mamagazini
Ngazi Yamulindizi Oct.–Dec.
Ciindi nomuyaanya muzyali naa mwana mulakonzya kwaamba kuti: “Sena cilakonzyeka kuti muntu inga wakomena munzila iili kabotu nokuba kuti ukkala aabantu batalilemeki? [Amulindile bwiinguzi.] Cibalo eeci cijisi cikozyanyo cibotu camulombe walo akaambo kakugwasyigwa a Leza, wakazumanana kucita cintu ciluzi nokuba kuti wakali akati kabantu babyaabi.” Amubale 1 Samuele 2:17, 18.
Sinsimuka! Oct.–Dec.
“Ndiyanda kumvwa ncomuyeeya kujatikizya lugwalo oolu lwamu Bbaibbele. [Amubale Tusimpi 13:20.] Sena kuli nomwakalibuzyide kaambo bantu bamwi ncocibakatazya kulizunda sunko? [Amulindile bwiinguzi.] Magazine eeyi ipandulula balongwe babotu kubikkilizya akukanza kumvwida Leza ciindi coonse mbozikonzya kugwasya muntu kulibambila kuzunda sunko lili lyoonse.”
Ngazi Yamulindizi Oct.–Dec.
“Bantu banji cilabakatazya kuumbulizya bana ciindi nobafwidwa mumukwasyi nkaambo kakuti tabazyi cini ncobeelede kubaambila. Sena andinywe kuli nomwakalimvwa boobu? [Amulindile bwiinguzi. Mpoonya amubale Isaya 25:8.] Magazini eeyi ilabandika kujatikizya bazyali mbobakonzya kugwasya mwanaabo ciindi nobafwidwa, kumwi kabaliyumya abalo mubuumba.”
Sinsimuka! Oct.–Dec.
“Kwamyaanda yamyaka iili mbwiibede, kuli kukazyanya kujatikizya kaambo kakuti bafwide balakonzya kupona alimwi. Ino muyeeya buti? [Amulindile bwiinguzi.] Amubone lusyomo ndwaakajisi Jobu. [Amubale Jobu 14:14, 15.] Zibalo eezyi zyaamba ncolyaamba Bbaibbele kujatikizya kupona alimwi kwabantu bafwide.” Amubatondezye zibalo zitalikila apeeji 19.