Zyakwaamba Kujatikizya Mamagazini

Ngazi Yamulindizi October–December

“Bantu banji bajisi Bbaibbele cilabayumina kucinca bukkale bwabo. Ino muyeeya kuti ncinzi cipa boobo? [Amulindile bwiinguzi.] Amubone ncolyaamba Bbaibbele kulugwalo lwa Ba-Filipi 4:6, 7. [Amubale.] Mumagazini oomu muli zikozyanyo zitondezya Ijwi lya Leza amupailo mbozikonzya kubagwasya bantu kucinca bukkale bwabo.”

Sinsimuka! October–December

“Bantu banji balakatazyigwa akaambo kakusalululwa akaambo kalukanda lwabo, mwaambo naa zilengwa zyabo. Sena muyeeya kuti kuli ncotukonzya kucita kujatikizya penzi eeli? [Amulindile bwiinguzi.] Bantu banji tabakonzyi kwaakazya majwi aali kulugwalo oolu. [Amubale Matayo 7:12.] Cibalo eeci cilatondezya mbotweelede kupona abantu bamwi.”

Ngazi Yamulindizi October–December

“Sena kuli nomwakalibuzyide ikuti naa Leza ulakonzya kwaambaula andiswe mazuba aano? [Amulindile bwiinguzi.] Imagazini eeyi ilatondezya mbotukonzya kuzumizya Leza kuti aambaule andiswe. Alimwi ilatondezya mbotukonzya kucinca bukkale bwesu ambotuzilanga zyintu kwiinda mukubala Bbaibbele lyoonse. Amubale 2 Timoteo 3:16, 17.”

Sinsimuka! October–December

“Kuyeeyelwa kuti bantu bainda ku 1,200,000 balafwa amwaka muntenda zyamumugwagwa. Sena muyeeya kuti kuli ciiyo ncobakonzya kujana kulugwalo oolu basikweenzya mootokala? [Amubale Mukambausi 7:12. Mpoonya amulindile bwiinguzi.] Imagazini eeyi ijisi twaambo tubotu itukonzya kugwasya basikweenzya mootokala ikweeleba mapenzi aamumugwagwa. Alimwi ilatondezya kuti kulikwabilila kuntenda kuleendelana akuzyiba mootokala mbuubede.”