Ibbaibbele—Lililuzi Mumakani Aakaindi, Lijisi Businsimi Busyomeka
Ino kuli bumboni nzi butondezya kuti Bbaibbele lililuzi mumakani aakaindi? Ino mbusinsimi nzi buli mu Bbaibbele bwakazuzikizyigwa butupa kusyoma kuti zisyomezyo zyakumbele ziyoozuzikizyigwa? Mibuzyo eeyi ilalangwa-langwa mu vidiyo yakuti The Bible—Accurate History, Reliable Prophecy, mucibeela catatu cili mu DVD cakuti The Bible—A Book of Fact and Prophecy. Mwamana kweebelela vidiyo eeyi, amwiingule mibuzyo iitobela:
(1) Ino nguni Kasensa kamakani aali mu Bbaibbele aasyomeka? (Dan. 2:28) (2) Ino Bbaibbele lipandulula buti munzila iiluzi cakacitikila Egepita wansiku, alimwi businsimi buli kulugwalo lwa Isaya 19:3, 4 bwakazuzikizyigwa buti? (3) Ino basyaazibwene mumakani aakaindi basinizya buti ncolyaamba Bbaibbele kujatikizya bana Asuri, bami babo, akunyonyoonwa kwa Asuri? (Nah. 3:1, 7, 13) (4) Ino mbusinsimi nzi bujatikizya Babuloni ibwakazuzikizyigwa? (Jer. 20:4; 50:38; 51:30) (5) Mbusinsimi nzi bujatikizya Mediya a Persia ibwakazuzikizyigwa? (Is. 44:28) (6) Ino lugwalo lwa Daniele 7:6 alimwi a 8:5, 8 lwakazuzikizyigwa buti kujatikizya Greece? (7) Ino lugwalo lwa Daniele 7:7 lwakazuzikizyigwa buti bana Roma nibakatalika kweendelezya nyika? (8) Ino mbaama Kaisara bali ibaambwa mu Bbaibbele? (9) Ino ncinzi cakacitikila Banakristo mubulelo bwa Nero? (10) Ino businsimi buli kulugwalo lwa Ciyubunuzyo 13:11 alimwi a 17:10 bwakazuzikizyigwa buti? (11) Ino mwami walusele nguni? (12) Ino nzibeela nzi zili muvidiyo zitondezya mbwaali amasimpe majwi aali ku Mukambausi 8:9? (13) Ino mbusinsimi nzi mbomuyandisisya kuti bukazuzikizyigwe? (14) Ino mbuti mbomukonzya kubelesya vidiyo eeyi kugwasya bantu kuzyiba kuti Bbaibbele lizwa kuli Leza?