Zyakwaamba Kujatikizya Mamagazini

Ngazi Yamulindizi October–December

“Bantu banji bacita zyintu zibi akaambo kakuyungwa abukombi bwabo. Ino muyeeya kuti ncinzi cibapa kweenwa? [Amulindile bwiinguzi.] Amubone ncolikulwaizya Bbaibbele. [Amubale 1 Johane 4:1.] Cibalo eeci cilapandulula ncociyandika kweezyanisya nzyotusyoma ancolyaamba Jwi lya Leza.” Amubandike twaambo tuli mucibalo citalikila apeeji 29.

Sinsimuka! October–December

“Mumafilimu manji mazuba aano kutondezyegwa madaimona, masalamuzi, alimwi abulozi. Sena muyeeya kuti madaimona nkwaali ncobeni? [Amulindile bwiinguzi. Mpoonya amubale 1 Bakorinto 10:20.] Cibalo eeci citondezya ncolyaamba Bbaibbele kujatikizya madaimona ambotukonzya kulikwabilila.” Amubandike twaambo tuli mucibalo citalikila apeeji 12.

Ngazi Yamulindizi October–December

[Nomubandika amuzyali] “Nokuba kuti mulababikkila maano bana banu, masimpe ngakuti tamukonzyi kubakwabilila lyoonse kumapenzi ngobakonzya kujana mubuumi. Mbuti mbomunga mwabagwasya kuti bakacikonzye kukkala balikke baakuzwa aŋanda? [Amulindile bwiinguzi.] Lugwalo oolu lwamu Bbaibbele lulatondezya bazyali mbobakonzya kwiiya Jesu kubelesya majwi alimwi acikozyanyo kugwasya bana kuti bacikonzye kucita kabotu.”—Amubale Johane 13:15. Amubandike twaambo tuli mucibalo citalikila apeeji 18.

Sinsimuka! October–December

“Sena muyeeya kuti mafooni aamunkomwe, kulembelana magwalo kubelesya Intaneti, alimwi azimwi buyo nzila zyakubandika kwiinda mukubelesya mincini yamazuba aano zilakonzya kupa kuti muntu atalendelelwi? [Amulindile bwiinguzi.] Nkaaka kaambo kamwi kakonzya kutugwasya kuti tutalendelelwi. [Amubale Milimo 20:35.] Eeyi magazini ilapa twaambo atumwi tugwasya twamu Bbaibbele.” Amubandike twaambo tuli mucibalo citalikila apeeji 19.