Nzila Mbotu Yakuswiilila Nyimbo zya Bwami

Babelesi ba Leza babona nyimbo kuti ncipego cibotu cizwa kuli Jehova. (Jak. 1:17) Mbungano zinji zyali kulizya Nyimbo zya Bwami caansi-ansi miswaangano yambungano kiitanatalika anoyamana. Kulizya nyimbo zya Leza ninzila mbotu yakututambula kumiswaangano. Cilatugwasya kulibambila mumizeezo kuti tuyanda kukomba. Kuyungizya waawo, kulizya nyimbo zipya zili mubbuku lyesu lyanyimbo kutugwasya kuzizyiba akuziimba kabotu. Kulizya nyimbo noyamana miswaangano kupa kuti bantu balimvwe kabotu akukulwaizyanya nobayanzana. Kabunga kabaalu keelede kubikka bubambe bwakulizya nyimbo kuzwa mu CD ya Sing to Jehovah—Piano Accompaniment kiitanatalika miswaangano anoyamana. Beelede kubona kuti nyimbo zililila aansi-ansi tazinyonganyi bantu babandika.