Bakubusi Balabuzya—Ncinzi Ncondeelede Kucita Mubuumi Bwangu? (Cibeela 1)
Bakubusi mbobayaabukomena, beelede kusala zyakucita mubuumi. Vidiyo yakuti, Young People Ask—What Will I Do With My Life? yabambwa kutegwa ibagwasye. Yatalika DVD, amutyanke aalembedwe kuti Play Drama, mpoonya amubone naa inga mwacikonzya kwiingula mibuzyo iili mumuncali 2. Mwamanizya, amutyanke aalembedwe kuti Interviews kumatalikilo aavidiyo, mpoonya mutyanke aalembedwe kuti Looking Back, alimwi akwiingula mibuzyo iili mumuncali 3.
Drama: (1) Muunzila nzi bukkale bwa Timoteo mbobukozyenye abukkale bwabakubusi Banakristo mazuba aano? (2) Muunzila nzi Andre mobakamusungilizya kuzumanana azisobano zyakubalika? (3) Ino Mukwesu Fleissig wakamwaambila nzi Andre kujatikizya (a) kulyaaba kuli Jehova alimwi akuzisobano? (Mt. 6:24) (b) nkoluzwa lukkomano lwini-lwini? (c) mutiba ngwaakali kubelesya muntolongo ncowakali kumuyeezya? (d) bantu bali mucifwoto antoomwe anguwe alimwi amukaintu wakwe? (e) naa wakausa kucinca mbaakani zyakwe? (Flp. 3:8) (4) Mbuti banyinakulu Andre mbobakaingula mubuzyo wakwe wakuti, “Sena taciluzi kuti ndaba sikubalika uuzyibidwe kapati?” (Lk. 4:5-7) (5) Sena kuzwidilila mumuzundano kwakamupa kukkutila Andre? (6) Ncinzi cakamukkomanisya mulugwalo lwamamanino lwa Mukwesu Fleissig ndwaakalembela Andre? (Tus. 10:22) (7) Ncinzi Mukwesu Fleissig ncaakamugwasya kuzyiba Andre?
Looking Back: (8) Milimo nzi mukwesu amucizyi njobakali kuyanda kucita, alimwi nkaambo nzi? (9) Ino bakazwidilila buti? (10) Ino ncinzi cakapa kuti bacince milimo yabo? (2 Ko. 5:15) (11) Ino milimo nzi yakumuuya yakanjila mubusena bwamilimo eeyo njobakali kubeleka, alimwi nkaambo nzi ncobakalimvwa kuti tabakonzyi kwiicita yoonse yobilo? (12) Sena kuli nobakatyompwa akaambo kakucinca nkobakacita mubuumi bwabo? (13) Ncinzi ncobakaamba capa kuti muyeeye ncomweelede kucita mubuumi bwanu?
Twamulomba kuti mukeebelele azimwi zili muvidiyo, akulibambila kuyakwiingula caakubandikwa cibeela eeci lya Muswaangano Wamulimo nsondo iboola.