Zitondezyo Zyacikozyanyo

Nkuli Nkotukonzya Kujana Bwiinguzi Kumibuzyo Iibakatazya Kapati Bantu?

Amumupe katulakiti mukamwini ŋanda kutegwa abone mutwe wamakani wakatulakiti, mpoonya mumujuzye. Tutola lubazu mukwaambilizya ikuli mukucitwa nyika yoonse kumwaya mulumbe uuyandika kapati ooyu. Aaka nkapepa kanu.”

Ikuti naa mwasiya katulakiti aŋanda aatakwe bantu, amukabikke mpokataboneki alimwi mutaciindizyi kukapeta.

Ikuti mukamwini ŋanda watondezya luyandisisyo naa uciyanda kubandika, mulakonzya kumubuzya mbwayeeya kujatikizya mibuzyo iijisi bwiinguzi bwiindene-indene iili kumatalikilo akatulakiti. Amukajalule katulakiti akumutondezya ncolwaamba lugwalo lwa Intembauzyo 119:144, 160. Amumupandulwide kuti katulakiti kajisi makani aamba zya Web site iikonzya kumugwasya kujana bwiinguzi bukatalusya kuzwa mu Bbaibbele. Ambweni mulakonzya kweebelela vidiyo yakuti Nkaambo Nzi Ncomweelede Kwiiya Bbaibbele? Kamutanaunka, amumutondezye mibuzyo iili kunze lyakatulakiti akumulomba kuti asale mubuzyo uumujatikizya kapati. Amumwaambile kuti muyoomuswaya kutegwa mukamutondezye mbwakonzya kujana bwiinguzi bwamu Bbaibbele bwamubuzyo ngwaasala kwiinda mukubelesya jw.org. Mwaakupiluka, amukabandike bwiinguzi kwiinda mukulanga aalembedwe kuti NJIISYO ZYAMU BBAIBBELE > MIBUZYO YAMU BBAIBBELE YAINGULWA.

Kuti kamutamba bantu kumuswaangano wanu wacooko, amumupe kapepa kakutamba bantu kubikkilizya akatulakiti, mpoonya akwaamba kuti, “Kuyungizya waawo, twamupa kapepa kakumutamba kumuswaangano wabuleya uutabbadelelwi.”

Ngazi Yamulindizi August 1

Kumamanino aansondo, noceelela, amwaambe boobu nomwaabila Ngazi Yamulindizi: “Alimwi tuyanda kumwaabila amamagazini mapya. Magazini eeyi ya Ngazi Yamulindizi ilawiingula mubuzyo wakuti, Sena Leza ulamubikkila maano?”

Sinsimuka! August

Kumamanino aansondo, noceelela, amwaambe boobu nomwaabila Sinsimuka!: “Alimwi tuyanda kumwaabila amamagazini mapya. Magazini eeyi ya Sinsimuka! ilawiingula mubuzyo wakuti, Mbuti Bantu Mbobakonzya Kubamba Luumuno?”