Mbomukonzya Kubelesya JW Library

KUCITA CIIYO CANU:

• Amubale Bbaibbele alugwalo lwabuzuba

• Amubale Yearbook, mamagazini, alimwi amabbuku aamwi. Amubelesye cibeela ca bookmark

• Amulibambile miswaangano yambungano, alimwi akweengela bwiinguzi

• Amweebelele mavidiyo

KUMISWAANGANO:

• Amujalule magwalo mwaambi ngaamba. Amubelesye cibeela ca history kujokela kulugwalo

• Muciindi cakuleta mabbuku manji aasimbidwe kumiswaangano, amubelesye fooni naa tabbuleti yanu kutobelezya muzibeela ziindene-indene alimwi akwiimba nyimbo. JW Library ilijisi nyimbo zipya zitako mubbuku lyanyimbo lisimbidwe

MUMULIMO WAKUKAMBAUKA:

• Amumutondezye cintu cimwi cili a JW Library muntu ulaaluyandisisyo, mwamana mumugwasye kukkopa pulogilamu eeyi alimwi akukkopa mabbuku afooni naa atabbuleti yakwe

• Amubelesye cibeela ca search kutegwa mujane kapango kamu Bbaibbele. Ikuti mabala aamwi kaatako mu Bbaibbele lya Busanduluzi Bwanyika Mpya, amucince akwaayandawida mu Reference Bible

• Amweebelele kavidiyo. Ikuti mukamwini ŋanda kajisi bana, amumutondezye kavidiyo kamwi akati katumavidiyo twa Amube Balongwe ba Jehova. Alimwi mulakonzya kumutondezya kavidiyo kakuti Nkaambo Nzi Ncomweelede Kwiiya Bbaibbele? kutegwa abe aluyandisisyo lwakwiiya Bbaibbele. Ikuti mwajana muntu waambaula mwaambo uumbi, amumutondezye kavidiyo kali mumwaambo ngwaambaula

• Alimwi amumutondezye lugwalo luli mumwaambo ooyo kubelesya Bbaibbele ndyomwakakkopa kale. Amuunke kulugwalo akutyanka aali kapango, mwamana mutyanke ka icon katondezya ma Bbaibbele aamwi