KUPONA BUUMI BWA BUNAKRISTO
Kamuyeeya Kubapailila Banakristo Bapenzyegwa
Ibbaibbele lyakasinsima kuti Saatani uuyootupenzya ikusola kusinkila mulimo wesu. (Joh. 15:20; Ciy. 12:17) Ino inga twabagwasya buti Banakristoma aabo bapenzyegwa mumasi aambi? Tulakonzya kubapailila. “Mupailo wakukombelezya wamuntu mululami ulabeleka canguzu kapati.”—Jak. 5:16.
Ncinzi ncotukonzya kupailila? Tulakonzya kumulomba Jehova kuti abape busicamba bakwesu abacizyi alimwi akubagwasya kuti kabatayoowi. (Is. 41:10-13) Alimwi tulakonzya kupailila beendelezi kutegwa kabauzumizya mulimo wakukambauka, “ikutegwa tuzumanane kupona muluumuno akuliiba.”—1Tim. 2:1, 2.
Ciindi Paulo alimwi a Petro nobakali kupenzyegwa, Banakristo bamumwaanda wamyaka wakusaanguna bakali kubapailila kwiinda mukubaamba mazina. (Mil. 12:5; Rom. 15:30, 31) Nokuba kuti tatubazyi mazina aabo boonse bapenzyegwa mazuba aano, tulakonzya kwaamba mbungano, cisi naa busena nkobabede.