MBONO IZILI MU JWI LYA LEZA | MARKO 3-4
Kuponya Mubuzuba bwa Sabata
Nkaambo nzi Jesu ncaakausa akaambo kamicito yabasololi bazikombelo ba Juda? Nkaambo bakapanga Sabata kuba mukuli uuminya kwiinda mukuyungizya tulawo-lawo tunji. Mucikozyanyo, kujaya ntabwa naa ntantabwa kwakali kukasyigwa. Kuponya kwakalizumizyidwe lilikke buyo kuti buumi kabuli muntenda. Eeci cakali kwaamba kuti imuntu watyoka cifwuwa naa kufwuyuka tanaakeelede kusilikwa mubuzuba bwa Sabata. Cakutadooneka, basololi bazikombelo kunyina nobakali kumubikkila maano mwaalumi wakapuutide janza.