KUPONA BUUMI BWA BUNAKRISTO

Amuzibelesye Kabotu Zibelesyo Nzyotubelesya Kapati Mukuyiisya

Kubelesya Bbaibbele alimwi abroshuwa kukambaukila mwaalumi umwi

Kuyiisya bantu kuba basikwiiya cili mbuli kuyaka ŋanda. Kutegwa tuyake kabotu, tweelede kucizyiba kuzibelesya kabotu zibelesyo zyesu. Tweelede kwiiya kucibelesya kabotu icibelesyo cesu ciyandika kapati, Jwi lya Leza. (2Tim. 2:15) Alimwi tweelede kwaabelesya kabotu mabbuku eesu amavidiyo ngotubelesya kuyiisya bantu katujisi mbaakani yakuyiisya bantu kuba basikwiiya.a

Ino mbuti mbotukonzya kuzibelesya kabotu Zibelesyo Nzyotubelesya Kapati Mukuyiisya? (1) Amulombe lugwasyo kumulangizi wanu wakabunga kamulimo wamumuunda (2) amubeleke asikumwaya uucibwene naa mupainiya, mpoonya (3) amuzumanane kuzibelesya nzila nzyomwaiya. Mbomuyaabucizyiba kwaabelesya kabotu mabbuku amavidiyo, muyoojana lukkomano mumulimo ooyu wakumuuya uucitwa lino.

MAMAGAZINI

MABROSHUWA

Amumuswiilile Leza Kutegwa Mukapone Kukabe Kutamani

Ino Mbaani Bacita Kuyanda Kwa Jehova Mazuba Aano?

MABBUKU

Mbomukonzya Kuzumanana Kukkala Muluyando lwa Leza

MATULAKITI

Ino muyeeya kuti kumbele aamazuba kunooli buti?

Ncinzi cikonzya kupa kuti kube lukkomano mumukwasyi?

Sena ncobeni bafwide balakonzya kupona alimwi?

Nkuli nkotukonzya kujana bwiinguzi kumibuzyo iibakatazya kapati bantu?

MAVIDIYO

Nkaambo nzi ncomweelede kwiiya Bbaibbele?

TUPEPA TWAKUTAMBA BANTU

Kapepa Kakutamba Bantu Kumiswaangano Yambungano

TUKKAADI TWAA JW.ORG

a Mabbuku masyoonto aatali akati kamabbuku ngotubelesya kapati kuyiisya bantu akalembelwa bantu bagaminide. Mabbuku aaya alakonzya kubelesyegwa kufwumbwa noceelela.