Kuyungizya Luzyibo Lwesu Mumulimo Wakukambauka​—Kubelesya Webbusaiti ya JW.ORG

IKAAMBO NCOCIYANDIKA: Cibelesyo cimwi acimwi icijanika mu Zibelesyo Nzyotubelesya Kapati Mukuyiisya zikulwaizya kuunka awebbusaiti ya jw.org. Alimwi makanze mapati aatukkaadi twa jw.org alimwi akatulakiti kakuti Nkuli Nkotukonzya Kujana Bwiinguzi Kumibuzyo Iibakatazya Kapati Bantu? nkukulwaizya bantu kuunka awebbusaiti yesu. Mulakonzya kubelesya jw.org kwaabila bbuku naa vidiyo kuzwa mu Zibelesyo Nzyotubelesya Kapati Mukuyiisya kwiinda mukutumina muntu kubelesya e-mail naa kumutumina liinki iisololela ku jw.org. Eeci cilakonzya kugwasya kapati kuti naa katukambaukila muntu waambaula mwaambo umbi. Kuyungizya waawo, bantu balakonzya kutubuzya mibuzyo yalo iikonzya kwiingulwa buyo mumabbuku aambi aatajaniki mu Zibelesyo Nzyotubelesya Kapati Mukuyiisya. Ikuti naa twazyiba mboibelesyegwa webbusaiti, tulakonzya kuzwidilila kapati mumulimo wesu wakukambauka.

MBOTUKONZYA KUCITA OOBO:

• 

  Amubelesye cibeela cakuti “NJIISYO ZYAMU BBAIBBELE.” Amweezyeezye kuti mukambaukila muzyali uuyanda kuzyiba zinji kujatikizya kukomezya bana. Amuunke aalembedwe kuti NJIISYO ZYAMU BBAIBBELE > CIKWATI ALIMWI AMUKWASYI.

• Amubelesye cibeela cakuti “MABBUKU.” Amweezyeezye kuti mulakambauka kucikolo kwiinda mukwiizya mpoonya muyanda kutondezya sicikolonyoko broshuwa yakuti Bwiinguzi Kumibuzyo Iili 10 Njobabuzya Bakubusi. Amuunke aalembedwe kuti MABBUKU > MABBUKU AMABROSHUWA.

• Amubelesye cibeela cakuti “KUJATIKIZYA NDISWE.” Amweezyeezye kuti mukambaukila mubelesinyoko walo uuyanda kuzyiba mubufwaafwi kujatikizya nzyotusyoma. Amuunke aalembedwe kuti KUJATIKIZYA NDISWE > MIBUZYO IIVWULA KUBUZYIGWA.

AMWEEBELELE KAVIDIYO KAKUTI MBOMUKONZYA KUBELESYA WEBBUSAITI YA JW.ORG, MWAMANA AMUBANDIKE MPOMUKONZYA KUUNKA AWEBBUSAITI KUGWASYA:

• muntu uutasyomi kuti Leza nkwali

• muntu iwazwa akucitikilwa ntenda

• mukwesu naa mucizyi uutacisungweede

• muntu ngomwakabandikide limwi walo uutazyi nkwaazwa mali aabelesyegwa kugwasyilizya mulimo wesu

• muntu uuzwa kucisi cimbi uuyanda kuyoojanika kumiswaangano kucisi cakwabo