Amujane Busongo Bugwasya Awebbusaiti ya JW.ORG

Ijwi lya Leza lilatupa zyoonse nzyotuyandika kutegwa katucikonzya kuliyumya muziindi eezyi zikatazya zyakumamanino. (2Tim. 3:1, 16, 17) Nokuba boobo, zimwi ziindi inga twayandika lugwasyo kujana njiisyo yamu Bbaibbele iikonzya kutugwasya mubukkale bugaminide. Mucikozyanyo, sena muli muzyali uuyandaula lulayo lwakukomezya bana? Sena muli mukubusi uuli mukusunkwa akaambo kalusyomo lwanu? Sena muli mubuumba akaambo kakufwidwa muyandwa wanu? Awebbusaiti ya jw.org, muyoojana njiisyo zyamu Bbaibbele zigaminide zikonzya kumugwasya mubukkale oobu alimwi abumwi buyo.—Tus. 2:3-6.

Apeeji yamatalikilo awebbusaiti ya jw.org, amutyanke aalembedwe kuti NJIISYO ZYAMU BBAIBBELE. (Amubone cifwanikiso 1.) Mpoonya mutyanke acibeela ncomuyanda. Naa amutyanke aalembedwe kuti LAIBBULALI > ZIBALO mpoonya musale cibeela ncomuyanda. (Amubone cifwanikiso 2.) Alimwi mulakonzya kuzijana zibeela eezyi mu aapu ya JW Library^®.a Mulakonzya kuzilanga-langa zibalo eezyi mumasena aaya. Nzila imwi nkwiinda mukujana kaambo kagaminide kubelesya kabbokesi kakuyandauda a jw.org.

Amulembe twaambo tutobela mukabbokesi kakuyandauda, mpoonya mulembe zibalo nzyomuyanda kubala.

• Kukomezya bana

• Penzi lyakutyompwa kubakubusi

• Kufwidwa muntu ngomukwetene limwi