Web Site Yesu Iizumizyidwe—Yabambilwa Kutugwasya Alimwi Akugwasya Bantu Boonse

Jesu wakatulailila kukambauka makani mabotu aa Bwami “munyika yoonse kuti bukabe bumboni kumisyobo yoonse.” (Mt. 24:14) Kutegwa tucikonzye ‘kuuzuzikizya cakumaninina mulimo wesu,’ Web site ya watchtower.org, ya jw-media.org, alimwi aya jw.org abikkwa antoomwe kupanga Web site yomwe ya jw.org.—2 Ti. 4:5.

“Munyika Yoonse”: Mweelwe wabantu bainda ku 30 pesenti munyika yoonse balabelesya Intaneti. Intaneti yaba njenzila njobabelesya kapati bantu kujana makani aaindene-indene, kwaambisya bakubusi. Web site yesu ilapa bantu ibabelesya Intaneti bwiinguzi bwamasimpe kumibuzyo yamu Bbaibbele. Ibasololela kumbunga ya Jehova alimwi ipa kuti cibaubile-ubile kulomba ciiyo ca Bbaibbele caaŋanda citabbadelelwi. Ipa kuti makani mabotu abasikile bantu ibakkala mumasena mobatavwuli kukambaukilwa mulumbe wa Bwami.

“Kumisyobo Yoonse”: Kutegwa tupe bumboni “kumisyobo yoonse,” tweelede kukambauka kasimpe kamu Bbaibbele mumyaambo iindene-indene. Basikuswaya Web site ya jw.org balakonzya kujana makani aali mumyaambo iitandila ku 400 ikwiinda njobakonzya kujana a Web site iiliyoonse.

Amwiibelesye Kabotu: Web site eeyi iyakabambululwa ya jw.org taili buyo yakukambaukila bantu batali Bakamboni. Yabambilwa kuti abalo Bakamboni ba Jehova kabaibelesya. Ikuti kamukonzya kuunka a Intaneti, tumukulwaizya kuti mwiizyibe kabotu Web site ya jw.org. Ansi aawa, kuli nzila zimwi zitondezya mboikonzya kubelesyegwa.

[Citondezyo cili apeeji 3]

(Kutegwa mubone bwini mbwaakkede mabala, amubone bbuku lini)

Amwiisole

1 Amulembe www.jw.org abusena bwakulembela kkeyala a Intaneti mukkompyuta yanu.

2 Amulange-lange zili a Web site kwiinda mukutyanka ama section headings, menu options, alimwi ama links.

3 Amusole kubelesya Web site ya www.jw.org mutuncini twanu tujisi Intaneti. Mboilibonya peeji ilacinca kutegwa ikkwane asikkilini nsyoonto pele makani ngamwi buyo.