Amubelesye Web Site Yesu Mumulimo Wakukambauka—“Mibuzyo Yamu Bbaibbele Yaingulwa”

Cibeela cakuti “Njiisyo Zyamu Bbaibbele” icili a jw.org cilijisi cibeela cakuti “Mibuzyo Yamu Bbaibbele Yaingulwa.” Ikuti katwiizyi mibuzyo eeyi iibuzyigwa-buzyigwa, tulakonzya kumwaambila mukamwini ŋanda uubuzya kuti abelesye Web site yesu kutegwa ajane bwiinguzi bwamu Magwalo. Mibuzyo eeyi alimwi ilakonzya kubelesyegwa kutalisya mibandi mumuunda. Tulakonzya kusala mubuzyo uukonzya kukkomanisya bantu mucilawo cesu, mpoonya akumubuzya mukamwini ŋanda mbwayeeya kujatikizya mubuzyo ooyo, alimwi akumwaambila ncolyaamba Bbaibbele kwiinda mukubelesya twaambo tuli a jw.org. Twamana, tulakonzya kupandulula naa kumutondezya nkotwatujana twaambo. Nzila iimbi njakumulekela kuti alibalile bwiinguzi a Web site. Umwi mukaintu wamulangizi wabbazu ulazwidilila kwiinda mukwaamba kuti: “Bantu banji balalibuzya kuti, ‘Sena Leza weelede kupegwa mulandu akaambo kakupenga nkotupenga?’ Sena inga mwayanda kuzyiba bwiinguzi mutuvwalu-vwalu tuli buyo 51?” Mpoonya ulamutondezya bwiinguzi mbwaakakkopa afooni yakwe. Ulamanizya kwiinda mukumutondezya cibalo 11 mubbuku lya Bbaibbele Ncoliyiisya.