Web Site Yesu Iizumizyidwe—Amwiibelesye Mumulimo Wanu Wakukambauka
Amubakulwaizye Bantu Kubelesya Web Site: Bamwi bantu ibawayawaya kubandika andiswe naa kutambula mabbuku eesu balayanda kuzyiba makani aajatikizya Bakamboni ba Jehova kwiinda mukulanga a Web site ya jw.org mumaanda aabo. Aboobo amubaambile bantu kujatikizya Web site kufwumbwa ciindi nokwajanika coolwe.
Amwiingule Mibuzyo: Zimwi ziindi mukamwini ŋanda, muntu uulaluyandisisyo, naa mweenzuma ulakonzya kubuzya mubuzyo kujatikizya Bakamboni ba Jehova naa nzyotusyoma. Amumutondezye bwiinguzi cakufwambaana kwiinda mukubelesya tuncini twanu tujisi Intaneti naa kkompyuta. Kanji-kanji cilagwasya kwaabala mu Bbaibbele magwalo aatazubulwidwe. Ikuti kamutajisi kancini kajisi Intaneti aciindi eeco, amumupandulwide muntu mbwakonzya kubelesya Web site ya jw.org kutegwa alijanine bwiinguzi.—Mwaunka a Web site ya jw.org, mweelede kutyanka aalembedwe kuti “Njiisyo Zyamu Bbaibbele/Mibuzyo Yamu Bbaibbele Yaingulwa” naa aalembedwe kuti “Kujatikizya Ndiswe/Mibuzyo Iivwula Kubuzyigwa.”
Amutume Cibalo naa Bbuku Kumuntu Ngomuzyi: Mukagwalo kaakkompyuta, amubikkilizye PDF naa EPUB yakakkopwa, naa kukkopa bbuku lyakalekkoodwa akulibika a CD. Kufwumbwa ciindi mwapa muntu uutanabbapatizyigwa bbuku, broshuwa, naa magazini yoonse iikkwene, mulakonzya kubala kuti mwaabila. Mweelede kumwaambila zyina lyanu muntu ngomwatumina mabbuku alimwi tamweelede kutuma manji. Alimwi tamweelede kwaatumina a Web site iimbi yaakkompyuta.—Mwaunka a Web site ya jw.org, mweelede kutyanka aalembedwe kuti “Mabbuku.”
Amubatondezye Makani Mapya Kujatikizya Bakamboni ba Jehova: Eeci ciyoogwasya basikwiiya Bbaibbele alimwi abamwi mbomuswaya ikutulumba akaambo kamulimo wanyika yoonse ngotucita alimwi alukamantano lwesu lwa Bunakristo. (Int. 133:1)—Mwaunka a Web site ya jw.org, mweelede kutyanka aalembedwe kuti “News.”
[Citondezyo cili apeeji 5]
(Kutegwa mubone bwini mbwaakkede mabala, amubone bbuku lini)
Amwiisole
1 Ansi aamutwe wakuti “Mabbuku,” amubone zyintu nzyomuyanda kukkopa, mpoonya mutyanke bbatani yabbuku ndyomuyanda naa zyakuswiilila zyakalekkoodwa akuzikkopa mufomati njomuyanda.
2 Amutyanke bbatani iilembedwe kuti “MP3” kutegwa mubone mulongo wazibalo zyoonse. Amutyanke ▸ mutwe wacibalo kutegwa mucikkope naa kuciswiilila a Intaneti.
3 Amusale mwaambo umbi kuzwa amulongo ooyu kuti kamuyanda kukkopa bbuku lyamumwaambo ooyo.