Web Site Yesu Iizumizyidwe—Amwiibelesye Kugwasya Muntu Waambaula Mwaambo Umbi
Amumutondezye Web Site Yesu: Amumutondezye mbwakonzya kubelesya mulongo wamyaambo aalembedwe kuti “Mwaambo waa Web site” kutegwa abone Web site yamumwaambo wakwe. (Mumyaambo imwi, kujanika buyo kabeela kasyoonto ka Web site.)
Amumutondezye Web Page Yamumwaambo Wakwe: Amujalule bbuku limwi akati kamabbuku eesu, mbuli bbuku lya Bbaibbele Ncoliyiisya naa katulakiti kakuti Kuzyiba Bwiinguzi Bwakasimpe. Amusale mwaambo ngwaambaula mukamwini ŋanda amulongo uulembedwe kuti “Read In.”
Amumuleke Aswiilile Cibalo: Amujane cibalo cijisi cibeela cakalekkoodwa mumwaambo ngwaambaula mukamwini ŋanda, mpoonya amumulizyile kuti aswiilile. Ikuti mwiiya mwaambo umbi, mulakonzya kuuzyiba kabotu kwiinda mukuswiilila cakalekkoodwa mumwaambo ooyo ciindi nomubala.—Mwaunka a Web site ya jw.org, mweelede kutyanka aalembedwe kuti “Mabbuku/Mabbuku Amabroshuwa” naa aakuti “Mabbuku/Mamagazini.”
Amubakambaukile Basyaataambi: Ikuti mwajana syaataambi, amubelesye vidiyo yamumwaambo wakutambaika kumutondezya caandaano camu Bbaibbele, bbuku, broshuwa, naa tulakiti.—Mwaunka a Web site ya jw.org, mweelede kutyanka aalembedwe kuti “Mabbuku/Mwaambo Wakutambaika.”
[Citondezyo cili apeeji 6]
(Kutegwa mubone bwini mbwaakkede mabala, amubone bbuku lini)
Amwiisole
1 Amutyanke ▸ kutegwa mutalike kweebelela cibeela ncomwasala (kuti kaciliko mumwaambo ooyo) naa abbatani imwi iilembedwe kuti “Amusale Nzyomuyanda Kukkopa” kutegwa mukkope bbuku.
2 Amusale mwaambo umbi kuzwa amulongo uulembedwe kuti “Read In” kutegwa mubone peeji eeyi mumwaambo ooyo.
3 Amutyanke aalembedwe kuti “Citobela” naa aakuti “Zili Mukati” kutegwa mubale cibalo cimbi.