Leza Mbwababikkila Maano Basinkematwi
Mazuba aano kuli basinkematwi babalilwa ku 70 miliyoni munyika yoonse, alimwi banji babelesya mwaambo umwi akati kamyaambo yakutambaika iisika ku 200. Cuusisya ncakuti, kanji-kanji basinkematwi tabeendelezyegwi kabotu, mbuli mbotutiibone mumakani aatobela:
“Munyika yoonse, lwaanguluko lwabasinkematwi alimwi alwabaabo batamvwi kabotu talubikkilwi maano.”—National Association of the Deaf (U.S.).
“Basinkematwi ibakkala mumasi aasumpukide bali akati kabantu bacete ncobeni alimwi nciyumu kulimbabo kujana lwiiyo, mulimo amakani aamwi.”—World Federation of the Deaf.
Ino Leza ulimvwa buti kujatikizya basinkematwi? Ino Bbaibbele lyaamba nzi kujatikizya basinkematwi? Alimwi mbuti Bakamboni ba Jehova mbobabagwasya mazuba aano?
Leza Mbwababona Basinkematwi
Bbaibbele lyaamba kuti Jehovaa Leza ulababikkila maano basinkematwi. Uyanda kuti kabeendelezyegwa kabotu akuti kabagwasyigwa alwiiyo ndwapa.
Lugwalo: “Utasinganyi musinkematwi.”—Levitiko 19:14.
Bupanduluzi: Mulawo wa Jehova kubana Israyeli basinku wakali kukwabilila lwaanguluko lwabasinkematwi.
Lugwalo: “Leza tasalululi.”—Milimo 10:34.
Bupanduluzi: Jehova ulababikkila maano bantu boonse bajisi zilengwa ziindene-indene, bukkale alimwi amyaambo, kubikkilizya abasinkematwi.
Lugwalo: “Jesu wakali kuyaabweenda . . . , akukambauka makani mabotu aa Bwami.”—Matayo 9:35.
Bupanduluzi: Jesu wakaboola anyika kuyiisya bantu kujatikizya Bwami bwa Leza alimwi ancobuyoobacitila bantu, kubikkilizya abasinkematwi.—Matayo 6:10.
Lugwalo: Jesu wakapa kuti ‘basinkematwi basinkuke abasyaataambi kwaambaula.’—Marko 7:37.
Bupanduluzi: Jesu wakatondezya zintu Bwami bwa Leza nzyobuyoocita ciindi basinkematwi nobayoocikonzya kumvwa alimwi akwaambaula. Aciindi aawa, Jesu wakali kutambaika kubandika amwaalumi wakali musinkematwi katanamuponya.—Marko 7:31-35.
Lugwalo: “Matwi aabasinkematwi ayoosinkuka.”—Isaya 35:5.
Bupanduluzi: Jehova wakasinsima kuti basinkematwi bayoomvwa.—Isaya 29:18.
Bakamboni ba Jehova Mbobabagwasya Basinkematwi Mazuba Aano
Bakamboni ba Jehova balaambilizya mulumbe wa Leza uupa bulangizi kubasinkematwi munyika yoonse. Ino ncinzi ncotucita kuzuzikizya mulimo ooyu? Tulamwaya ma Bbaibbele alimwi amavidiyo aamu Bbaibbele mumyaambo yakutambaika iinda ku 100. Alimwi tulapa lwiiyo lwamu Bbaibbele akucita miswaangano mumwaambo wakutambaika. Tulacita zyoonse eezyi kakunyina kubbadelesya kumuntu uuli woonse uyanda kugwasyigwa a Leza. Nkaambo nzi? Nkaambo Jesu wakalailila kuti: “Mwakapegwa kakunyina kubbadelesyegwa, amupe kakunyina kubbadelesya.”—Matayo 10:8.
Mulakonzya kuzijana zintu eezyi aintaneti naa kuzidauniloda mufooni yanu mbuli mbokutondezyedwe mutwaambo tutobela:
JW.ORG. Amutyanke aakucincila mwaambo atala apeeji iili yoonse awebbusaiti kutegwa mujane makani aagaminide mumwaambo wakutambaika.
Aapu ya JW Library Sign Language. Amwiidaunilode aapu iitabbadelesyegwi mufooni yanu, mpoonya muyoocikonzya kudauniloda naa kucita stream mavidiyo aamumwaambo wakutambaika.
Ino Nzintu Nzi Zijatikizya Lwiiyo Lwamu Bbaibbele Nzyotupa?
Bbaibbele lyamumwaambo wakutambaika. Bbaibbele lya Busanduluzi Bwanyika Mpya lya Mumwaambo Wakutambaika Waku America nje Bbaibbele lyakali lyakusaanguna kumana kusandululwa munyika yoonse. Bbaibbele lya Busanduluzi Bwanyika Mpya nkolili lino lyoonse naa muzibeela buyo mumyaambo minji yakutambaika, alimwi myaambo iimbi ilayungizyigwa mwaka amwaka. (Kutegwa mubone mulongo wamyaambo naa kweebelela mavidiyo aa Bbaibbele aintaneti, amubone kabbokesi kakuti “Bbaibbele lya Busanduluzi Bwanyika Mpya Mumwaambo Wakutambaika.”)
Amweebelele vidiyo yakuti The Complete New World Translation Is Available in ASL kutegwa mubone milimo iicitwa ciindi nokupangwa Bbaibbele lyamumwaambo wakutambaika.
Kutegwa mukukkomanine kapati kubala Bbaibbele, amudaunilode aapu ya JW Library Sign Language. Aapu eeyi ilakonzya kumugwasya kusala tupango tumwi tugaminide mu Bbaibbele lyamumwaambo wakutambaika.
Ba Dmytro aba Vita mbazyali basinkematwi, mpoonya bana babo balamvwa. Amubone mukwasyi wabo mbowagwasyigwa kwiinda mukweebelela mavidiyo aa Bbaibbele buzuba abuzuba mumwaambo wakutambaika.
Mavidiyo aayiisya zyamu Bbaibbele. Bakamboni ba Jehova bapanga mavidiyo aamumwaambo wakutambaika alo aagwasya bantu kumvwisya alimwi akubelesya lulayo lujanika mu Bbaibbele kujatikizya . . .
Kucita ciiyo ca Bbaibbele cacigaminina. Amwiiye mulumbe wamu Bbaibbele mumwaambo wakutambaika kwiinda mukugwasyigwa amwiiyi uumugeme kweelana aciindi ncomujisi. Amulombe kutegwa mubone mbocicitwa ciiyo ca Bbaibbele citabbadelwi.
Ba Jeson Senajonon bakkala ku Philippines. Amubone kwiiya Bbaibbele mbokwakabagwasya kuba acilongwe cibotu a Leza.
Ba Mario Antúnez bakali bapati-pati bacikombelo ku Honduras. Amubone mbobakajana bwiinguzi bwamu Bbaibbele kumibuzyo njobakajisi, ciindi nobapandulula zyakabacitikila mucibalo cakuti “Ndakajisi Mibuzyo Minji.”
Miswaangano azicitika. Tulijisi mbungano alimwi atubunga twamumwaambo wakutambaika munyika yoonse, kwalo basinkematwi nkobaswaanganina alimwi akukomba nsondo ansondo. Alimwi tulaba amiswaangano mipati yamumwaambo wakutambaika yakwiiya Bbaibbele mwaka amwaka. Kumiswaangano yesu, tulabasandulwida basinkematwi alimwi aboofwu. Alimwi tulapanga mabbuku aaboofwu akubapa kakunyina kubabbadelesya.
Amujane mbungano iili afwaafwi ankomukkala.
Amwiiye kujatikizya miswaangano yacooko alimwi ayabbazu.
Amujanike ku Ciibalusyo calufwu lwa Jesu, muswaangano uuyandika kapati mumwaka.
Ba José Luis Ayala bakkala ku Mexico. Bakazyalwa kabali basinkematwi mpoonya bakoofwala. Amubone mbobakagwasyigwa kuba mwiiyi uucibwene wa Bbaibbele.
a Jehova ndezina lya Leza limugeme. (Intembauzyo 83:18) Amubone cibalo cakuti “Ino Jehova Nguni?”