Web Site Yesu Iizumizyidwe—Amwiibelesye Kucita Ciiyo Canu Nobeni Alimwi Aciiyo Camukwasyi
Amubale Mamagazini Mapya a Intaneti: Amubale Ngazi Yamulindizi a Sinsimuka! a Intaneti kwansondo zili mbozibede kamutanatambula aasimbidwe kumbungano. Amuswiilile magazini yakalekkoodwa.—Mwaunka a Web site ya jw.org, mweelede kutyanka aalembedwe kuti “Mabbuku/Mamagazini.”
Amubale Zibalo Zijanika Buyo a Intaneti: Zibalo zimwi, mbuli cibalo cakuti “Cibeela Cabakubusi,” “Nzyondiiya Kuzwa mu Bbaibbele,” “Cibeela Cakwiinduluka Mumukwasyi,” alimwi aca “Bakubusi Balabuzya,” lino zijanika buyo a Web site. Amwiinke a Intaneti, akulanga-langa zibalo eezyi zimwi mwanoocita ciiyo canu nobeni alimwi aciiyo camukwasyi.—Mwaunka a Web site ya jw.org, mweelede kutyanka aalembedwe kuti “Njiisyo Zyamu Bbaibbele/Bana” naa “Njiisyo Zyamu Bbaibbele/Bakubusi.”
Amujane Makani Mapya: Amubale malipooti aakulwaizya azyakuluula alimwi akweebelela tuvidiyo itutondezya mbowayaambele mulimo wesu nyika yoonse. Malipooti aamba zyantenda alimwi akupenzyegwa alo aakonzya kutugwasya kwaamba twaambo tugaminide kujatikizya bakwesu mumipailo yesu. (Jak. 5:16)—Mwaunka a Web site ya jw.org, mweelede kutyanka aalembedwe kuti “News.”
Amuvwuntauzye Kwiinda Mukubelesya Laibbulali yaa Intaneti: Ikuti cibeela eeci kaciliko mumwaambo wanu, amubelesye kkompyuta naa fooni kubala lugwalo lwabuzuba abuzuba a Intaneti naa kuvwuntauzya mumabbuku eesu mapya.—Mwaunka a Web site ya jw.org, mweelede kutyanka aalembedwe kuti “Mabbuku/Laibbulali yaa Intaneti,” naa kulemba www.wol.jw.org aayelede kulembelwa kkeyala.
[Citondezyo cili apeeji 4]
(Kutegwa mubone bwini mbwaakkede mabala, amubone bbuku lini)
Amwiisole
1 Amutyanke acifwanikiso naa aawo aalembedwe kuti “Amukkope.” Cifwanikiso cilalibonya mu PDF. Amusimbe cifwanikiso akupa mwanaanu kutegwa acimaninizye.
2 Amutyanke aalembedwe kuti “Amulizye” kutegwa mweebelele vidiyo.