Ikuti Naa Muyanda Mabbuku Aamumwaambo Uumbi Cakufwambaana

Zimwi ziindi tujana bantu bayanda kubala mabbuku aamumwaambo uumbi aatako kumbungano yesu. Ikuti naa mulabelesya Intaneti amuncini usimba (printer), sena mulizyi kuti mulakonzya kusimba mabbuku nobeni mumyaambo iili 400 iindene-indene? Mboobu mbomukonzya kucita:

• Amuunke kukkeyala yesu ya Intaneti, www.watchtower.org.

• Kululyo kwa home page mulabona mulongo wamyaambo. Amutyanke akamaapu katondezya nyika yoonse kutegwa mubone myaambo iiliko.

• Amutyanke amwaambo ngomuyanda. Kulaboola peeji iitondezya nzyomukonzya kusimba mbuli matulakiti, mabroshuwa, azibalo zimwi. Tamweelede kulibilika ikuti naa tamukonzyi kubala mitwe yamakani akaambo kakuti peeji eeyi ilembedwe mumwaambo ngomutazyi.

• Amutyanke ali woonse. Ncomuyanda kusimba cilalibonya akkompyuta, mpoonya lino mulakonzya kusimba kwiinda mukutyanka katondezyo kamuncini usimba.

Kkeyala yesu ya Intaneti ijisi buyo zyintu zisyoonto; mulakonzya kooda mabbuku aamwi kumumbungano. Ikuti mwajana muntu ulaaluyandisisyo, cilainda kubota kulomba mabbuku kucibeela camabbuku kumbungano.