“Nzila Zyakubelesya Mukwaabila Mamagazini mu . . .”
Kanji-kanji, mwezi amwezi tulaba acibeela mu Muswaangano Wamulimo cijatikizya kwaabila mamagazini. Mulimo wacibeela eeci tauli wakwiinduluka zili mumamagazini. Muciindi caboobo, cibeela eeci cakabambilwa kubandika nzila zyakubelesya mukwaabila mamagazini. Aboobo kweelana amalailile, mukwesu uupedwe cibeela eeci waamba buyo majwi masyoonto aantalisyo kutegwa ape bantu kuba aluyandisisyo mumagazini. Mpoonya, ulabuzya mizeezo yabasikumwaya mucibalo cimwi acimwi (naa zibalo zitobelene), kutegwa boonse bacikonzye kutobelezya alimwi akubona nzila nzyobayanda kuyoobelesya. Muciindi cakwaambila baswiilizi kuti bapandulule mbobayoocita, weelede kulomba basikumwaya kuti baambe mubuzyo ngobakonzya kukkomanina bantu bamucilawo cesu alimwi alugwalo ndobanga babala. Amanizya mubandi, kucitwe zitondezyo zitondezya mboikonzya kwaabilwa magazini imwi aimwi. Tukulwaizyigwa kwaabala mamagazini katutanaunka kumiswaangano alimwi akulibambila kuyakwaamba mizeezo yesu. Ikuti boonse balibambila kabotu, cibeela eeci ciyootugwasya kukwenga busyu bwaumwi amweenzinyina.—Tus. 27:17.