“Kupa Cipego Kuli Jehova”

Ino mbuti mbotukonzya ‘kulisungula mazuba aano kupa cipego kuli Jehova’? (1Mak. 29:5, 9, 14) Ansi aawa kuli nzila zimwi nzyotukonzya kusala kutegwa tusange kugwasyilizya mulimo wa Bakamboni ba Jehova kubusena nkotubede alimwi akunyika yoonse.

MALI AASANGWA KWIINDA MUKUBELESYA INTANETI NAA AABIKKWA MUTUBBOKESI TWAKUSANGILA AGWASYILIZYA:

• 

  MULIMO WANYIKA YOONSE

  mayake aamitabi amilimo iicitwa mumo alimwi amaofesi aabasanduluzi

  zikolo zyeendelezyegwa a Leza

  babelesi baciindi coonse baalubazu

  kugwasyilizya ciindi nokwacitika ntenda

  kusimba mabbuku, kupanga mavidiyo alimwi akubikka zintu awebbusaiti yesu (digital publishing)

• 

  MALI AABELESYEGWA MUMBUNGANO

  mali aabelesyegwa mumbungano mbuli kubbadelela maanzi amalaiti alimwi akubambulula Ŋanda ya Bwami

  mali aali woonse ngoyakazuminana mbungano kunootuma kuofesi yamutabi aa:

  • kuyaka Ŋanda ya Bwami alimwi a Maanda Aakucitila Miswaangano Mipati nyika yoonse

  • Bubambe Bwakugwasyilizya Nyika Yoonse

  • milimo iimbi iicitwa nyika yoonse

MISWAANGANO YACOOKO AYABBAZU

Mali aasangwa kumuswaangano wacooko inga atumwa kumulimo wanyika yoonse. Mpoonya mali aayandika kubbadelela zintu lyamiswaangano yacooko, yaalubazu alimwi ayamasi inga azwa kumali aamulimo wanyika yoonse.

Mali aasangwa kumuswaangano wabbazu inga abelesyegwa kubbadelela ŋanda, kuula zyakubelesya alimwi akubamba masena aakucitila miswaangano yabbazu alimwi azimwi buyo ziyandika amuswaangano. Bbazu lilakonzya kusala kusanga mali aamwi kumulimo wanyika yoonse wa Bakamboni ba Jehova.