Ino Mwaajana Kuli Mali Ngomubelesya Mumulimo Wanu?

Mulimo wesu wakukambauka ulabbadelelwa azyakusanga zyakuliyandila zizwa kuli Bakamboni ba Jehovaa. Kunyina mutiba wamulumbo wiinzyigwa kumiswaangano yesu, alimwi kunyina uuyandika kupa mulumbo wacimanyakkumi. (Matayo 10:7, 8) Muciindi caboobo, kuli tubbokesi twakusangila tubikkwa motuswaanganina kutegwa naa kuli wayanda kusanga, ulakonzya kucita oobo. Basikusanga tabaambilizyigwi.

Kaambo kamwi kapa kuti atavwulisyi mali ngotubelesya nkakuti kunyina musololi uubbadelwa. Kuyungizya waawo, Bakamboni tababbadelwi kukambauka kuŋanda aŋanda, alimwi masena eesu aakukombela taaduli.

Mali aasangwa aatumwa kumaofesi aamitabi aa Bakamboni ba Jehova alabelesyegwa kugwasya bacitikilwa ntenda zyacibukilambuta, kugwasya bamisyinali besu ababelesi beendeenda, kugwasya mukuyaka maanda aakukombela muzisi zitavwubide, alimwi amukusimba akutola ma Bbaibbele amabbuku aa Bunakristo muzilawo mwaayandika. Muntu umwi aumwi ulasala naa uyanda kusanga kumulimo uucitwa nkwakkala, akumulimo wanyika yoonse, naa koonse kobilo. Mbungano ambungano ilapa lipooti iijatikizya mali mwezi amwezi kuzyibya mbungano.

Nzila Mbomukonzya Kusanga

• Tubbokesi twakusangila: Mulakonzya kusanga mali naa macceki mukabbokesi kakusangila kali ku Ŋanda ya Bwami, ku Masena Aakucitila Miswaangano Mipati, naa kumasena aamwi nkotucitila miswaangano.

• Kubelesya intaneti: Muzisi zinji, mulakonzya kubelesya webbusaiti ya “Donate to Jehovah’s Witnesses” kutegwa musange kubelesya credit card, debit card, bank transfers, alimwi anzila zimbi buyo.b Bakamboni bamwi basala ‘kubikka cimwi cintu ambali’ mwezi amwezi, mpoonya akusetiŋa kancini kabotu kuti kakabayeezya lyoonse.—1 Bakorinto 16:2.

  

• Kusanga kwakulibambila: Nzila zimwi zyakusanga ziyandika kulibambila kakucili ciindi naa kusaanguna kulangwa-langwa abasimilawo. Kulibambila kuli boobu inga kwapa kuti mugwasyigwe amitelo yamucisi canu. Bantu banji bazyiba cikonzya kucitika azyakusanga zyabo nobacili baumi alimwi acikonzya kucitika ikuti bafwa. Amubatumine naa kubalembela Bakamboni ba Jehova bakumutabi uuli mucisi canu kutegwa bamwaambile zinji naa muyanda kusanga kubelesya nzila eezyi zitobela:

  • bank accounts

  • insurance and retirement plans

  • real estate

  • stocks and bonds

  • wills and trusts

Kutegwa muzyibe zinji kujatikizya nzila zyakusanga kubusena nkomukkala, amubone webbusaiti ya “Donate to Jehovah’s Witnesses.”