Amumutembaule Jehova Cakukondwa Munyimbo

Paulo alimwi a Sila bakamutembaula Jehova ciindi nobakali muntolongo. (Mil. 16:25) Cakutadooneka, kwiimba kwabo kwakabakulwaizya kutegwa baliyumye. Mbuti kujatikizya ndiswe mazuba aano? Nyimbo izibelesyegwa kumiswaangano alimwi anyimbo zimbi zyesu zilakonzya kutukulwaizya akutugwasya kuti tuzumanane kusyomeka ciindi notuli mumasunko. Pele cipati ncakuti, zitembaula Jehova. (Int. 28:7) Tukulwaizyigwa kwaazyiba mumutwe majwi aali munyimbo zimwi, nozyiba zisyoonto buyo. Sena kuli nomwakasolede kucita boobo? Tulakonzya kubelesya ciindi cakukomba mumukwasyi kuziiya nyimbo alimwi akwaazyiba majwi.

AMWEEBELELE KAVIDIYO KAKUTI NOBANA AMUMUTEMBAULE JEHOVA MUNYIMBO, MPOONYA MWIINGULE MIBUZYO IITOBELA:

• 

  Ino tugwasyigwa buti ciindi notwiimba nyimbo zya Bwami?

• 

  Ino mbuti ma Dipatimenti aa Audio/Video mbwaalibambila kulekkooda nyimbo?

• 

  Mbuti banamukwasyi mbobagwasyilizya bana babo kulibambila kulekkoodwa?

• 

  Ino ninyimbo nzi zya Bwami nzyomuyandisya kapati, alimwi nkaambo nzi?