Amuzumanane Kulindila Cakuliyumya

Ino mwalindila kwaciindi cilamfwu buti kuti Bwami bwa Leza buboole? Sena mwali kulindila cakuliyumya nokuba kuti mwajisi makatazyo? (Rom. 8:25) Banakristo bamwi balasulaikwa, tabeendelezyegwi kabotu, balaangwa naa kukongwa kujaigwa buya. Bamwi balwana mapenzi mbuli kuciswa bulwazi butaponi naa kucembaala.

Ino ncinzi cikonzya kutugwasya kuzumanana kulindila noliba leelyo notuli mumasunko? Tweelede kuzumanana kuyumya lusyomo lwesu kwiinda mukubala Bbaibbele buzuba abuzuba alimwi akuzinzibala kuyeeya. Tweelede kubikkila maano kubulangizi bwesu. (2Kor. 4:16-18; Heb. 12:2) Tweelede kupaila kuli Jehova akulomba nguzu zyakwe zyamuuya uusalala. (Lk. 11:10, 13; Heb. 5:7) Taateesu siluyando ulakonzya kutugwasya ‘kuliyumya cakumaninina kumwi katukkazikide moyo alimwi akukondwa.’—Kol. 1:11.

AMWEEBELELE KAVIDIYO KAKUTI TWEELEDE ‘KUBALIKA CAKULIYUMYA’—AMUBE ALUSYOMO LWAKUTI MUYOOBUTAMBULA BULUMBU, MPOONYA MWIINGULE MIBUZYO IITOBELA:

• 

  Ino ‘nzintu nzi zitalangilwi’ zikonzya kutucitikila mubuumi? (Muk. 9:11)

• 

  Ino mupailo utugwasya buti ciindi notuli mumakatazyo?

• 

  Ikuti katutacikonzyi kucita zinji mumulimo wa Jehova mbuli mbotwakali kucita kaindi, nkaambo nzi ncotweelede kubikkila buyo maano kuli zeezyo nzyotukonzya kucita?

• 

  Ino ncinzi cimugwasya kuzumanana kuba alusyomo lwakuti muyootambula bulumbu?