‘Amuzumanane Kuziyeeyesya Zintu Eezyi’

Ino nzintu nzi eezyo? Lugwalo lwa Bafilipi 4:8 lutukulwaizya kuzibikkila maano zintu zyamasimpe, zintu ziyandika kapati, zintu ziluleme, zintu zisalala, zintu ziyandwa, zintu zilaampuwo mbotu, zintu zili kabotu alimwi azintu zyeelela kutembaulwa. Pele eeci tacaambi kuti Banakristo beelede buyo kuyeeya Bbaibbele ciindi coonse. Nokuba boobo, zintu nzyotuyeeya zyeelede kuti kazimukkomanisya Jehova. Tatweelede kuyeeya zintu zikonzya kupa kuti cituyumine kuzumanana kusyomeka kuli Jehova.—Int. 19:14.

Tacili cuuba-uba kweeleba mizeezo iitali kabotu. Aboobo tweelede kutulwana tumpenda twesu tubyaabi alimwi akuyunga kwa Saatani, “leza wabweende bwazintu obuno.” (2Kor. 4:4) Mbwaanga Saatani nguweendelezya nyika, bunji bwazintu zitondezyegwa muma TV, zyaambwa mumawailesi, a Intaneti alimwi azintu zilembwa mbuli mumiteende, mumamagazini alimwi amumabbuku, zilinyongene. Aboobo tweelede kubikkila maano kapati ciindi notusala zintu nzyotubikka mumizeezo yesu, nkaambo zintu nzyotubikka mumizeezo yesu mukuya kwaciindi zilalibonya muzintu nzyotucita.—Jak. 1:14, 15.

AMWEEBELELE KAVIDIYO KAKUTI AMUZITANTAMUKE ZINTU ZIKONZYA KUMUPA KUTASYOMEKA—ZYAKULIKONDELEZYA ZITALI KABOTU, MPOONYA MWIINGULE MIBUZYO IITOBELA:

• 

  Ino ncinzi mukwesu ncaakali kweebelela mufooni yakwe, alimwi cakamujatikizya buti?

• 

  Ino wakagwasyigwa buti alugwalo lwa Bagalatiya 6:7, 8 alimwi a Intembauzyo 119:37?