Ino Muliyanda Buti Jwi lya Leza?

Bbaibbele lijisi mizeezo alimwi amajwi aa Jehova Leza, imulembi wabbuku eeli lisetekene. (2Pet. 1:20, 21) Mbwaanga likankaizya kusumpulwa kwabulelo bwa Leza kwiinda mu Bwami bwakwe, Bbaibbele lipa bulangizi kubantu boonse bwakuti ino-ino buumi buyooba kabotu kapati. Kuyungizya waawo, Bbaibbele lilatondezya bube bubotu bwa Taateesu wakujulu, Jehova.—Int. 86:15.

Umwi aumwi wesu ulalibikkila maano kapati Jwi lya Jehova akaambo katwaambo twiindene-indene. Pele sena tulatondezya kuti tulaliyanda kapati Bbaibbele kwiinda mukulibala buzuba abuzuba alimwi akuzibelesya zintu nzyotubala mubuumi bwesu? Aboobo, bukkale bwesu abutondezye kuti tulimvwa mbuli mbwaakalimvwa sintembauzyo naakati: “Eelo kaka ndilauyanda mulawo wako!”—Int. 119:97.

AMWEEBELELE KAVIDIYO KAKUTI BAKALI KULIYANDA KAPATI BBAIBBELE​—KABEELA BUYO (WILLIAM TYNDALE), MPOONYA MWIINGULE MIBUZYO IITOBELA:

• 

  Nkaambo nzi William Tyndale ncaakasandulula zibeela zya Bbaibbele?

• Nkaambo nzi kusolekesya kwakwe kwakusandulula Bbaibbele ncokwakali kugambya kapati?

• Ino ma Bbaibbele ngaakasandulula Tyndale akanjila buti mu England?

• Ino mbuti umwi aumwi wesu mbwakonzya kutondezya kuti ulaliyanda kapati Jwi lya Leza?