Ino Ncinzi Ciyandika Kapati Kulindime?

Jakobo wakatingana amungelo akaambo kakuti wakali kuyanda cintu cimwi ciyandika kapati, nkokuti cilongezyo ca Jehova. (Matl. 32:24-31; Hos. 12:3, 4) Ino mbuti kujatikizya ndiswe? Sena tulilisungwide kubeleka canguzu kumvwida Jehova kutegwa atulongezye? Mucikozyanyo, ikuti naa kwayandika kuti tusale akati kakujanika kumuswaangano wambungano alimwi akuzumanana kubeleka mulimo wakumubili kwamawoola aambi masyoonto, ino inga twasala cili? Notubelesya ciindi cesu, nguzu alimwi azintu zyesu zyakumubili mumulimo wa Jehova, ulatupoomweda ‘zileleko zinji kapati cakuti tatukabulizyi cintu cili coonse.’ (Malk. 3:10) Unootusololela, kutukwabilila alimwi akutupa nzyotuyandika.—Mt. 6:33; Heb. 13:5.

AMWEEBELELE KAVIDIYO KAKUTI AMUZUMANANE KUBIKKILA MAANO KUMBAAKANI ZYAKUMUUYA, MPOONYA MWIINGULE MIBUZYO IITOBELA:

• 

  Ino mucizyi wakasunkwa buti acintu ncaakali kuyandisya kapati?

• 

  Ino mulimo wesu wakumubili inga waba buti sunko kulindiswe?

• 

  Nkaambo nzi Timoteyo ncaakeelede kuzumanana kulibikkila mbaakani zyakumuuya nokuba kuti wakali kale Munakristo uusimide kumuuya?—1Tim. 4:16

• 

  Ino inga twatondezya buti “mulimo uuyandika kapati” kulindiswe?