KUPONA BUUMI BWA BUNAKRISTO
Amukucenjelele Kumwaya Makani Aakubeja
Mazuba aano, makani alakonzya kumwaika cakufwambaana kubantu banji kwiinda muzintu zisimbwa, TV, wailesi alimwi a Intaneti. Aabo ibakomba “Leza wakasimpe” tabayandi kumwaya makani aakubeja, nokuba cakutazyiba. (Int. 31:5; Kul. 23:1) Makani aakubeja aambwa kubantu bamwi alakonzya kuleta manyongwe. Ciindi nomusola kuzyiba naa makani aamwi ngamasimpe, amulibuzye kuti:
‘Sena makani aaya azwa kumuntu ngondisyoma?’ Ooyo waamba makani ulakonzya kuti katatuzyi twaambo toonse tujatikizyidwe. Makani ngobaambilana bantu alakonzya kucinca, aboobo amucenjele kuti naa tamumuzyi muntu ooyo iwakaatalisya. Mbwaanga aabo ibajisi mikuli mumbungano balasyomwa kuti baamba makani aamasimpe, beelede kucenjela kapati kutegwa kabataambi makani aatakwe bumboni
‘Sena makani aayo ngakubejelezya bamwi?’ Ikuti naa makani aayo abisya zina lyamuntu naa nkamu yabantu, inga cabota kutaambila bantu bamwi.—Tus. 18:8; Flp. 4:8
‘Sena makani aayo ngamasimpe?’ Amucenjele kapati ciindi nomwamvwa makani aagambya
AMWEEBELELE KAVIDIYO KAKUTI MBUTI MBONDIKONZYA KUCILEKA KUVWIYA? MPOONYA MWIINGULE MIBUZYO IITOBELA:
Kweelana alugwalo lwa Tusimpi 12:18, ino majwi inga amujatikizya buti muntu?
Ino lugwalo Bafilipi 2:4 lutugwasya buti caboola kuzintu nzyotwaamba kujatikizya bamwi?
Ino ncinzi ncotweelede kucita ciindi bantu nobatalika kwaamba zintu zibyaabi kujatikizya bamwi?
Katutanatalika kwaamba makani aajatikizya bamwi, ino mibuzyo nzi njotweelede kulibuzya?