Cintu Ciyandika Kapati Icakali Mutente Lyakukombela

25:9, 21, 22

Bbokesi ncecintu ciyandika kapati icakali mutente lyakukombela alimwi amunkambi yabana Israyeli. Kubako kwa Leza kwakali kwiimininwa akkumbi ilyakali akati kabakerubi bobilo ibakali acivwunisyo ca Bbokesi cakumanya zibi. (Amubone Bupanduluzi Bwamabala Aamu Bbaibbele, “Civwunisyo cabbokesi cakumanya zibi.”) Ciindi comwe amwaka, Mubuzuba Bwakumanya Milandu, mupaizi mupati wakali kunjila mu Busena Busalalisya akusansaila bulowa bwamupoho alimwi abwampongo kumbele lyacivwunisyo kutegwa zibi zyabana Israyeli zilekelelwe. (Lev. 16:14, 15) Eeci cakali kwiiminina ciindi Jesu, Imupaizi Mupati, naakali kuyoonjila kujulu kwini kuli Jehova akupa mpindu yacipaizyo cakwe cacinunuzyo.—Heb. 9:24-26.

Amweendelanye magwalo aaya aatobela kububotu mbotujana akaambo kacinunuzyo:

MAGWALO

• 1Joh. 1:8, 9

• Heb. 9:13, 14

• Rom. 6:23

BUBOTU

• bulangizi bwakuyoopona kukabe kutamani

• kulekelelwa zibi

• kuba amanjezyeezya aasalala

Ino ncinzi ncotweelede kucita kutegwa tube aazintu eezyi?