Miswaangano Yaamwaka​—Nziindi Zyakutondezya Luyando

Nkaambo nzi miswaangano yaamwaka ncotwiikkomanina kapati? Mbubwenya mbuli mu Israyeli yansiku, miswaangano yacooko mazuba aano itupa coolwe cakukomba Jehova antoomwe abakombima banji. Tulacikkomanina cakulya cakumuuya calo citugwasya kuzumanana kuba acilongwe a Jehova. Kunze lyaboobo, tulakkomana kuyanzana abanamukwasyi alimwi abalongwe. Tulatondezya kulumba kwiinda mukujanika mazuba oonse otatwe aamuswaangano wacooko.

Ciindi notujisi coolwe cakuswaangana antoomwe, tatweelede kuyeeya buyo mbotukonzya kugwasyigwa lwesu kutugama, pele tweelede kubona ambotukonzya kutondezya luyando kuli bamwi. (Gal. 6:10; Heb. 10:24, 25) Ikuti twabamba buyo busena mbotuyandika, tutondezya kuti tubikkila maano kuzintu nzyobayandika bamwi. (Flp. 2:3, 4) Miswaangano yacooko itupa coolwe cakujana balongwe bapya. Kaitanatalika anoyamana pulogilamu alimwi aaciindi cakulyookezya, tweelede kubona kuti ncoolwe cakuzyibana abantu mbotutazyi. (2Kor. 6:13) Zilongwe nzyotupanga aziindi eezyi zilakonzya kuzumanana mane kukabe kutamani! Kwiinda zyoonse, ciindi bantu nobalangilila mbotutondezyanya luyando, ambweni abalo inga basala kutusangana mukubelekela Jehova.—Joh. 13:35.

AMWEEBELELE KAVIDIYO KAKUTI MISWAANGANO YAMASI YAKUTI “LUYANDO TALUMANI”!, MPOONYA MWIINGULE MIBUZYO IITOBELA:

• 

  Ino mbuti luyando mbolwakatondezyegwa kubakwesu ibazwa mumasena aambi kumuswaangano wamasi wamu 2019?

• 

  Nkaambo nzi bantu ba Jehova ncobayandana alimwi akukamantana?

• 

  Ino ninzila nzi zyaluyando lwa Bunakristo izyakaambwa abakwesu bamu Kabunga Keendelezya?

• 

  Ino mbuti luyando lwa Bunakristo mbolwakabakamantanya bakwesu baku Germany abaku South Korea?

• Ino tweelede kuba amakanze nzi?