Amupe Zikozyanyo Kupandulula Twaambo Tupati-pati

Ciindi notucita nyendo zyakupilukila akusololela ziiyo zya Bbaibbele, tweelede kubagwasya baswiilizi besu kumvwisya twaambo tupati-pati. Kwiinda mukupa zikozyanyo, tulakonzya kubasika amoyo akupa kuti batazilubi nzyotubayiisya.

Nomulibambila lweendo lwakupilukila naa ciiyo ca Bbaibbele, amubone twaambo tupati-pati ntomukonzya kupandulula kubelesya zikozyanyo. Kumane musale zikozyanyo zyuuba-uba zijatikizya zintu zicitika buzuba abuzuba. (Mt. 5:14-16; Mk. 2:21; Lk. 14:7-11) Mutalubi kulanga-langa bukkale bwasikumuswiilila alimwi amilimo njacita. (Lk. 5:2-11; Joh. 4:7-15) Mwabona kuti wakkomana akaambo kakuti wakamvwisya kaambo, andinywe muyookkomana.

AMWEEBELELE KAVIDIYO KAKUTI AMUJANE LUKKOMANO LUBOOLA AKAAMBO KAKUGWASYA BAMWI KUBA BASIKWIIYA—AMUYUNGIZYE LUZYIBO LWANU—AMUPE ZIKOZYANYO KUPANDULULA TWAAMBO TUPATI-PATI, MPOONYA MWIINGULE MIBUZYO IITOBELA:

• 

  Nkaambo nzi basikwiiya ncobatakonzyi kumvwisya tupango tumwi twamu Bbaibbele?

• 

  Ino Neeta wabelesya cikozyanyo nzi kupandulula kaambo kali ku Baroma 5:12?

• 

  Mbuti mbobakonzya kugwasyigwa azikozyanyo zibotu baswiilizi besu?

• Mumulimo wesu, nkaambo nzi ncotweelede kubelesya mavidiyo azibelesyo zimwi nzyoitupede mbunga ya Jehova?