AMUSUNGWAALE MUMULIMO WAMUMUUNDA | AMUYUNGIZYE LUKKOMANO LWANU MUBUKAMBAUSI
Amubayiisye Basikwiiya Bbaibbele Kulisanina Kumuuya
Kutegwa tubagwasye kumuzyiba Jehova akuba Banakristo basimide, basikwiiya Bbaibbele beelede kwiiya zinji kuyungizya aazintu nzyotubayiisya. (Mt. 5:3; Heb. 5:12–6:2) Beelede kwiiya akulisanina kumuuya.
Kuzwa kumatalikilo, amubatondezye basikwiiya Bbaibbele banu mbobakonzya kulibambila ciiyo alimwi akubakulwaizya kucita boobo. (mwb18.03 6) Amubakulwaizye kupaila lyoonse nobayanda kucita ciiyo cabo beni. Amubagwasye kubelesya zibelesyo zyakuvwuntauzyizya. Amubapandulwide mbobakonzya kubona zintu zipya a jw.org alimwi apulogilamu mpya ya JW Broadcasting®. Asyoonto-syoonto amubayiisye kubala Bbaibbele buzuba abuzuba, kulibambila miswaangano yambungano, alimwi akuvwuntauzya bwiinguzi bwamibuzyo yabo. Amubagwasye kuzinzibala kuyeeya nzyobaiya.
AMWEEBELELE KAVIDIYO KAKUTI AMUBAGWASYE BASIKWIIYA BBAIBBELE KULISANINA KUMUUYA, MPOONYA MWIINGULE MIBUZYO IITOBELA:
Mbuti Neeta mbwaamugwasya Jade kubona kuti kwiiya cibikkilizya zintu zinji kunze buyo lyakuzyiba bwiinguzi?
Ncinzi camugwasya Jade kusinizya kuti Jehova uliluzi kukasya bwaamu?
Amubayiisye basikwiiya banu mbobakonzya kusanina myoyo amizeezo yabo
Ncinzi Jade ncaayiya kujatikizya kuzinzibala kuyeeya?