KUPONA BUUMI BWA BUNAKRISTO

Zibeela Zigwasya Zili Mubbuku lya Amupone Kukabe Kutamani!

Sena mulakkomana kubelesya mavidiyo amibuzyo iipa kukkala ansi kuyeeya iili mubbuku lya Amupone Kukabe Kutamani? Mbuti kujatikizya zibeela zyakuti “Bamwi Baamba Kuti,” “Mbaakani,” a “Amuzyibe Zinji”? Nzibeela nzi zimwi nzyomubona kuti zilagwasya ciindi nomusololela ziiyo zya Bbaibbele?—Mt. 28:19, 20.

Bbuku lya “Amupone Kukabe Kutamani!” iili a aapu ya “JW Library.” Cifwanikiso icitondezya mpaajanika “Malifalensi aali mu Cibeela 1.”

Malifalensi: Ikuti naa musololela ciiyo kubelesya bbuku lisimbidwe, nkookuli nkomukonzya kujana mavidiyo amalifalensi aamwi kakunyina kupenga? Mulakonzya kwaajana mubbuku lili afooni naa amuncini umwi. Kusaanguna amusale cibeela comwe akati kazibeela zyone, mpoonya apeeji iijisi mitwe yaziiyo mpolili aansi, mulakonzya kwaabona malifalensi oonse aacibeela eeco. (Amubone cifwanikiso 1.)

“Printed Edition”: Ikuti kamwiiya amuntu kubelesya bbuku lili afooni naa amuncini umwi, inga kamucinca kufwumbwa mwayanda kutola aalembedwe kuti “Printed Edition.” Nomuli apeeji eeyo, amutyanke atudomwi totatwe ituli atala apeeji mpoonya akutyanka aalembedwe kuti “Printed Edition.” Kucita boobo kuyoomugwasya kubona makani ngomuli mukwiiya mbwaajatana amutwe waciiyo. Kutegwa mujokele kubbuku lili afooni, amutyanke atudomwi totatwe alimwi, mpoonya akutyanka aalembedwe kuti “Digital Edition.”

Bbuku lya “Amupone Kukabe Kutamani!” iili a aapu ya “JW Library.” Cifwanikiso icitondezya kabbokesi kakuti “Sena Ndililibambilide?” akakuti “Bupanduluzi Buyungizyidwe.”

“Sena Ndililibambilide?”: Tubbokesi ootu ituli kumamanino aabbuku tulatondezya muntu ncakonzya kucita kutegwa ayelele kukambauka antoomwe ambungano alimwi akubbapatizyigwa. (Amubone cifwanikiso 2.)

Bupanduluzi Buyungizyidwe: Cibeela cabupanduluzi buyungizyidwe cilapa bupanduluzi bwamakani aamwi aajatikizya twaambo tumwi tuyandika kapati. Mubbuku lili afooni kulibikkidwe aliinki kumamanino aabupanduluzi buli boonse iimujola mpomweendela muciiyo. (Amubone cifwanikiso 2.)

Amubone kuti mwalimanizya kuliiya bbuku lya Amupone Kukabe Kutamani! abasikwiiya bayaambele nokuba kuti babbapatizyigwa kamutanalimana. Mulakonzya kuzumanana kubala ciindi, nyendo zyakupilukila, alimwi akuti nciiyo noliba leelyo sikwiiya abbapatizyigwa. Ikuti sikumwaya umwi wamusangana aciiyo akutola lubazu, awalo ulakonzya kubala ciindi