“Amube Baabi”

Jesu wakaamba kuti bwaabi bulayambukila. (Lk. 6:38) Ikuti kamupa lyoonse mulabakulwaizya bakwesu abacizyi kuba aluzyalo alimwi akuba baabi.

Kupa kuzwa ansi aamoyo ncibeela cabukombi bwesu. Jehova ulababona aabo ibagwasya Banakristonyina bayandika lugwasyo alimwi ubasyomezya kuti uyoobalumbula.—Tus. 19:17.

AMWEEBELELE KAVIDIYO KAKUTI TULAMULUMBA AKAAMBO KABWAABI BWANU, MPOONYA MWIINGULE MIBUZYO IITOBELA:

• Ino zyakusanga zyanu zibelesyegwa buti kugwasyilizya bakwesu abacizyi?

• Nkaambo nzi ncotweelede kuzumanana kuba baabi, tacikwe makani naa nzyotupa nzinji naa nzisyoonto?—Alimwi amubone cibalo icili a jw.org cakuti “Zintu Ziindilide Zyazulizya Kubulizya Kwabamwi.”