Mulakonzya Kupa Kuti Kube Lukkomano Mumukwasyi Wanu

Jehova uyanda kuti mikwasyi kaikkomene. (Int. 127:3-5; Muk. 9:9; 11:9) Nokuba boobo, lukkomano lwesu lulakonzya kumana akaambo kazintu zicitika munyika alimwi akulubizya kwabanamukwasyi bamwi. Ncinzi munamukwasyi umwi aumwi ncakonzya kucita kutegwa kube lukkomano mumukwasyi?

Mulumi weelede kumupa bulemu mukaintu wakwe. (1Pet. 3:7) Alimwi ulajana ciindi cakuba anguwe. Talangili zinji kumukaintu wakwe alimwi ulatondezya kuti ulalumba kuzintu mukaintu wakwe nzyamucitila walo amukwasyi. (Kol. 3:15) Ulatondezya mbwamuyanda alimwi ulamutembaula.—Tus. 31:28, 31.

Mukaintu ulajana nzila zyakugwasya mulumi wakwe. (Tus. 31:12) Ulamumvwida alimwi ubelekela antoomwe anguwe. (Kol. 3:18) Kuyungizya waawo, ulaambaula anguwe cabulemu alimwi waamba zintu zibotu kujatikizya nguwe.—Tus. 31:26.

Bazyali balajana ciindi cakuba abana babo. (Dt. 6:6, 7) Balabaambila bana babo kuti balabayanda. (Mt. 3:17) Ciindi nobabapa lulayo, balacita oobo cabupampu alimwi akubatondezya luyando.—Ef. 6:4.

Bana balabamvwida akubalemeka bazyali baabo. (Tus. 23:22) Balabaambila bazyali baabo nzyobayeeya alimwi ambobalimvwa. Balalutambula lulayo lwabazyali baabo alimwi balabalemeka.—Tus. 19:20.

AMWEEBELELE KAVIDIYO KAKUTI AMUBE AALUKKOMANO MUMUKWASYI WANU, MPOONYA MWIINGULE MUBUZYO UUTOBELA:

Ino ncinzi umwi aumwi ncaakacita kutegwa kube lukkomano mumukwasyi?