Ino Mujisi Mbaakani Nzi Mumwaka Wamulimo Mupya?

Mbaakani zyakumuuya zibikkilizya cintu cili coonse ncotubeleka canguzu kutegwa tukonzye kumubelekela Jehova cakumaninina alimwi akumukkomanisya. Zilatugwasya kuba Banakristo basimide, nkakaambo kaako ncotwaaba ciindi cesu anguzu. (1Tim. 4:15) Nkaambo nzi ncotweelede kuzilanga-langa mbaakani zyesu lyoonse? Akaambo kakuti bukkale bulacinca. Andiza mbaakani njotwakajisi kaindi tatukonzyi kwiizuzikizya, naa mbaakani njotwakajisi twakaizuzikizya aboobo tuyandika kulibikkila iimbi.

Ciindi cibotu cakulanga-langa mbaakani zyesu ndileliya kautanatalika mwaka wamulimo mupya. Sena mulakonzya kwaabandika makani aaya lyakukomba kwamumukwasyi mpoonya akulibikkila mbaakani zyamukwasyi naa zyaumwi aumwi kumugama?

Ino nimbaakani nzi zigaminide nzyomukonzya kulibikkila mumbazu zitobela, alimwi ncinzi ncomweelede kucita kutegwa muzizuzikizye?